ޕްރައިވެޓް އިންޝުއަރެންސްގެ ކަވަރޭޖް ނުލިބޭ ހާލަތުގައި އާސަންދަ ސްކީމުން މިހާރުވެސް ހިދުމަތް ލިބޭނެކަމަށް ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) އިން ބުނެފިއެވެ.

ގައުމީ ސިއްހީ ބޭސްފަރުވާގެ ނިޒާމްގައި ހަމަހަމަކަން ގާއިމުކުރުމަށް އެންސްޕާއިން އޮކްޓޯބަރު މަހު 1 އިން ފެށިގެން ގެނައި ބަދަލާއި ގުޅިގެން ރައްޔިތުންނަށް އޮޅޭގޮތަށް އިދިކޮޅު ފަރާތްތަކުން އަންނަނީ މައުލޫމާތު ފަތުރައި ދޮގު ކިޔައިދެމުންނެވެ. އަދި އިންޝުއަރެންސްގެ ހިދުމަތް ދޭ ބައެއް އަމިއްލަ ކުންފުނިތަކުން ވަނީ ކޭޝްލެސްގެ ހިދުމަތް މެދުކަނޑާލާފައެވެ.

އެހެންވެ އެކަން ސާފުކޮށްދީ، ކަންއޮތްގޮތް ހާމަކުރުމަށް އެންސްޕާއިން ނެރުނު ބަޔާނެއްގައި ބުނީ ސިއްހީ ހިދުމަތްދޭ އަމިއްލަ ތަންތަނުން "އައުޓް-ޕޭޝަންޓް" ގެ ހިދުމަތްތަކަށް ބިލް ކުރުމުގައި ޕްރައިވެޓް އިންޝުއަރެންސް އަށް އިސްކަން ދިނުމާއި ގުޅޭ ގޮތުން އެންސްޕާ އިން އޮކްޓޫބަރު 31 ވަނަ ދުވަހު ކުރި އިއުލާނާ ހަވާލާދީ އެ އެޖެންސީ އިން ބުނީ އެ އިއުލާނުގައިވެސް ބަޔާންކޮށްފައިވާ ފަދައިން އެއްވެސް މީހަކަށް ޕްރައިވެޓް އިންޝުއަރެންސްގެ ކަވަރޭޖް ނުވަތަ ހިދުމަތް ނުލިބޭ ހާލަތެއްގައިނަމަ އެ މީހަކަށް އާސަންދަ ސްކީމުން މިހާރުވެސް ހިދުމަތް ލިބެމުންދާ ގޮތަށް ބޭސްފަރުވާގެ ހިދުމަތް ލިބިގެންދާނެ ކަމަށެވެ.

މިފަދަ ދަނޑިވަޅެއްގައި ކަމުގެ ހަގީގަތް އޮޅޭ ގޮތަށް އެކި ފަރާތްތަކުން ދޮގު މައުލޫމާތު ހާމަކުރަމުންދާތީ އެންސްޕާއިން ވަނީ އެދިފައެވެ.