އާސަންދަ ސްކީމް މެދުވެރިކޮށް އައިވީއެފް ހެދުމުގެ ފުރުސަތު ލިބޭ މީހުންގެ ދެވަނަ ބުރުގެ ލިސްޓަށް ހުށަހެޅި ޝަކުވާތަކަށް ރިއާޔަތްކޮށް ލިސްޓް މުރާޖާ ކުރުމަށްފަހު އާންމުކޮށްފި އެވެ.

އާސަންދަ ސްކީމް މެދުވެރިކޮށް އައިވީއެފް ހެދުމުގެ ފުރުސަތު ދިނުމުގެ ދެވަނަ ބުރުގައި އެހީ ދޭ 64 މީހެއް ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ)އިން ކަނޑައަޅައިފައިވަނީ، މިދިޔަ އޮކްޓޫބަރު މަހުގެ 31 ވަނަ ދުވަހު އެވެ.

ނަމަވެސް އާންމުންގެ ޝަކުވާގިނަވުމުގެ ސަބަބަުން، އެންސްޕާ އިން ރޭ ކުރި އިއުލާނެއްގައި ބުނީ ދެވަނަ ބުރުގެ ލިސްޓަށް ހުށަހެޅުނު ޝަކުވާތަކަށް ރިއާޔަތްކޮށް އެ ލިސްޓް މުރާޖައާކޮށްފައިވާ ކަމަށެވެ. އަދި އެއިއުލާނުގައި މުރާޖާކުރި ލިސްޓުވެސް މިހާރު ވަނީ އާންމުކޮށްފައިއެވެ.

ދެވަނަ ބުރުގައި ފޯމު ހުށަހެޅި ޖުމްލަ 216 މީހުންގެ ތެރެއިން ޝަރުތު ހަމަވާ 64 މީހަކަށް ދެވަނަ ބުރުގައި އެހީ ހަމަޖެހިފައިވާ ކަމަށާ، ފަރުވާ ކުރިއަށް ގެންދާނެ ގޮތުގެ ކަންކަން ހިއްސާކުރުމަށް މިމަހުގެ 30 ވަނަ ދުވަހުގެ ކުރިން މައުލޫމާތު ފޯރުކޮށްދޭނެ ކަމަށް ވެސް އެންސްޕާއިން ވަނީ ބުނެފައެވެ.