މޭޖަރ ސޮކާ ލީގު ޕްލޭއޮފް ރައުންޑް އެކެއްގައި އެޓްލާންޓާ އާއި އިންޓަރ މިއާމީ ބައްދަލުކުރިމެޗުން އިންޓަރ މިއާމީ ބަލިވެ ރައުންޑް އޮފް ވަންގެ ތިންވަނަ މެޗެއް ކުލެން ޖެހިއްޖއެވެ. ރޭގައި އެޓްލާންޓާގެ އަމިއްލަ ދަނޑުގައި 69000 ސަޕޯޓަރުންގެ ކުރިމަތީގައި ކުޅުނު މި މެޗުގައި އެޓްލާންޓާއިން ވަނީ މެޗުގެ ފުރިހަމަ ވަގުތު ހަމަވެ އިތުރު ވަގުތުގެ 4 ވަނަ މިނެޓުގައި ގޯލެއްޖަހައި 2-1 ގެ ނަތީޖާއަކުން މޮޅުވެފައެވެ. މި ގޯލް ޖަހާފައި ވަނީ މެޗުގެ 90 މިނެޓުގައި ކުޅެންނިކުތް ޕޯޗުގަލްގެ ސިލްވާ އެވެ.

މި މެޗުން އެޓްލާންޓާ މޮލޫވުމާއެކު މި ދެޓީމު ކުޅުނު ރައުންޑް ވަން ޓިއަރ 2 މެޗުގެ އެގްރިގޭޓުން ދެޓީމު ވަނީ ހަމަހަމަ ވެފައެވެ. މި ދެޓީމު އޮކްޓޫބަރު މަހުގެ 26 ވަނަ ދުވަހު ކުޚުނު ފުރަތަމަ މެޗުން އިޓަރ މިއާމީ މޮޅުވީ 2-1 ގެ ނަތީޖާއަކުންނެވެ.

މި މޮޅާއެކު އެޓްލާންޓާއިން އިޓަރ މިއާމީ އާ ދެކޮޅަށް އެންމެ ފަހުން ކުޅުނު 5 މެޗުގެ ތެރެއިން 2 މެޗުން ވަނީ މޮޅުވެފައެވެ.

މި ދެޓީމު ބައްދަލުކުރާ ޕްލޭއޮފް ގެ ތިންވަނަ މެޗު އޮންނާނީ ނޮވެންބަރު މަހުގެ 9 ވަނަ ދުވަހު އިންޓަރ މިއާމީގެ ދަނޑުގައެވެ. އަދި އެ މެޗުން މޮޅުވާޓީމެއް އީސްޓަން ކޮންފަރެންސް ސެމީފައިނަލުގައި ކުޅެންޖެހޭނީ އޯލެންޑޯ ސިޓީ ނުވަތަ ޝާރލެޓް އާއި ދެކޮޅަށެވެ.