ރީޖަނަލް އެއާޕޯޓްސްގެ ޗެއާޕާސަން ކަމުގެ މަގާމުގައި ހުންނެވި އަހުމަދު ނާޞިފް އެ މަގާމުން ވަކިކޮށްފިއެވެ.

ރީޖަނަލް އެއާޕޯޓްސްގެ މެނޭޖިން ޑިރެކްޓަރ އަޙްމަދު މުބީންއަށް ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން ފޮނުއްވި ސިޓީގައިވަނީ މި ބަދަލު ގެނެސްފައިވަނީ ދައުލަތުގެ ވިޔަފާރި ތަންތަން ޕްރައިވަޓައިޒްކުރުމާއި ކޯޕަރަޓައިޒު ކުރުމާއި މޮނިޓާކޮށް އިވެލުއޭޓްކުރުމުގެ ގާނޫނުގެ މަތިންކަމަށެވެ.

މިކަމާ ގުޅިގެން ރީޖަނަލް އެއާޕޯޓްސްގެ މެނޭޖިން ޑިރެކްޓަރ އަޙްމަދު މުބީން ކުރެއްވި ޕޯސްޓެއްގައިވަނީ ނާސިފް އެ ކުންފުނީގައި ކޮށްދެއްވި މަސައްކަތްތަކަށް ޝުކުރު އަދާކުރައްވައި ކުރިމަގުގައި ކާމިޔަބަށް އެދިވަޑައިގެންފައެވެ.

މެންދުރަށް މައުލޫމާތު ލިބޭ ގޮތުގައި ނާޞިފް ބަދަލުކުރައްވާނީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އަށެވެ.