މާލޭގެ މަޖީދީ މަގުގައި ހުންނަ މޮބައިލް ފޯނު ވިއްކާ ފިހާރަ 'ޒިއޯން މޮބައިލްސް 4' ރޭ ފަތިހު ފަޅާލައި ވައްކަން ކުރި މައްސަލައިގައި މީހަކު ހައްޔަރުކޮށްފި އެވެ.

އެ ފިހާރައިގެ ބިއްލޫރިގަނޑެއް ތަޅާލައިގެން ވައްކަން ފަތިހު 05:35 އެހާކަށްހާއިރު ވައްކަންކުރި މައްސަލައިގައި ހައްޔަރުކުރީ 47 އަހަރުގެ ދިވެހި ފިރިހެނެކެވެ.

އެ ފިހާރައިން މަޢުލޫމާތު ދޭ ގޮތުގައި ފިހާރަ އިން ވަގަށް ނެގި ތަކެތީގެ އަގު 100،000ރ. އަށް ވުރެ މައްޗަށް އަރައެވެ.

މި މައްސަލަ ފުލުހުން އަންނަނީ އިތުރަށް ތަހުގީގުކުރަމުންނެވެ.

މި ހާދިސާގެ މަންޒަރުގެ ވީޑިއޯ ސޯޝަލް މީޑިއާގައި ވެސް އާންމުވެފައިވާ އިރު، އެ ވީޑިޔޯއިން ފެންނަނީ އެކަކު ފިހާރައިގެ ބިއްލޫރިގަނޑު ތަޅައިލާ އިރު، އެހެން ފިހާރައިން އެއްޗެތި ކޮތަޅަކަށް އަޅައިގެންދާ ތަނެވެ.