"ޤައުމީ ކުޅިވަރު ފަންޑު"ގެ ނަމުގައި ފަންޑެއް ގާއިމުކުރެއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ.

ރައީސް އެފަދައިން ނިންމެވީ، އިއްޔެ ބޭއްވި ވަޒީރުންގެ މަޖިލީހުގެ ޖަލްސާގައެވެ.

Ad by Hajj Corporation

ޤައުމީ ކުޅިވަރު ފަންޑެއް ގާއިމުކުރުމާ ގުޅޭ ގޮތުން ވަޒީރުންގެ މަޖިލީހަށް ހުށަހެޅުއްވުމުގެ ހުށަހެޅެއްވީ ކުޅިވަރާ ބެހޭ ވަޒީރު އަބްދުﷲ ރާފިއުއެވެ. އެގޮތުން އެ މަޖިލީހުގައި ކުރެވުނު މަޝްވަރާގެ އަލީގައި އެ ފަންޑު ގާއިމްކުރެއްވުމަށް ރައީސް ނިންމެވީ، ދިވެހި ކުޅުންތެރިންނާއި އެތުލީޓުން އިތުރުކޮށް، ކުޅިވަރު ކުރިއަރުވައި ތަރައްޤީކުރުމަށާއި، ދިވެހި ކުޅިވަރު ޖަމާޢަތް ނުވަތަ ކުޅިވަރު ޢާއިލާ ބާރުވެރިކުރުވުމުގެ މަޤްޞަދުގައި ކަމަށް ރައީސް އޮފީހުން ބުންޏެވެ.

އެގޮތުން އެ މަސައްކަތް ކުރުމަށްޓަކައި، ރާއްޖޭގެ ކުޅިވަރާ ބެހޭ ގާނޫނަށް ގެންނަން ޖެހޭ ބަދަލުތައް ގެނައުމަށް ވެސް އެ މަޖިލީހުގައި ނިންމަވާފައިވާ ކަމުގައި ރައީސް އޮފީހުން ބުންޏެވެ.