ފަލަސްތީނުގެ ރެފިއުޖީންނަށް އެހީވެދޭ އދ ގެ އޭޖެންސީ (ޔޫއެންއާރްޑަބްލިޔުއޭ)އާ އިސްރާއީލުން ގުޅުން ކަނޑާލި ނަމަވެސް ޣައްޒާއަކީ ރައްކާތެރި ތަނަކަށް ނުވާނެ ކަމަށާއި އަންރްވާއިން ކުރާ މަސައްކަތްތައް އެހެން ބަޔަކަށް ނުކުރެވޭނެ ކަމަށް ދުނިޔޭގެ ސިއްޚަތު ޖަމުއިއްޔާގެ ވެރިޔާ ޓެޑްރޯސް އަދްނޮމް ވިދާޅުވެއްޖެއެވެ.

ޓެޑްރޮސް އެފަދައިން ވިދާޅުވީ، ޔޫއެންއާރްޑަބްލިޔުއޭގެ އެހީ ގާޒާއަށް ނުލިބޭނަމަ، ގާޒާގެ ރައްޔިތުންނަށް އޮތް ނުރައްކާ އިތުރައް ބޮޑުވާނެ ކަމުގައި ފާހަގަ ކުރައްވަމުންނެވެ.

ހަނގުރާމައިގެ ސަބަބުން ގެއްލުން ލިބިފައިވާ ޣައްޒާއަށް ދޭ ގާތްގަނޑަކަށް ހުރިހާ އެހީއެއް ކޯޑިނޭޓް ކުރާ އަންރްވާ ސަސްޕެންޑްކުރުމުން އިސްރާއީލުގެ އެންމެ ގާތް އެމެރިކާ ހިމެނޭހެން ގިނަ ގައުމުތަކަކުން ވަނީ އެކަން ކުށްވެރިކޮށްފައެވެ.ވއެ ފިޔަވަޅަށް އަމަލުކުރަން ފަށާނީ ޖެނުއަރީ މަހުގެ ފަހުކޮޅު ކަމަށް ބެލެވޭއިރު، އެކަމުގެ ސަބަބުން ފަލަސްތީނުގެ އެތައް މިލިއަން ބަޔަކަށް ބޮޑެތި ގެއްލުންތަކެއް ކުރިމަތިވާނެ ކަމަށް އދ. އިން ބުނެއެވެ.

އިސްރާއީލުގެ ތާރީޚުގައި ވެސް މިހާތަނަށް ލިބުނު އެންމެ ނުރައްކާތެރި އެއް ހަމަލާ ކަމަށްވާ، މިދިޔަ އަހަރު އޮކްޓޫބަރު މަހުގެ ހަތް ވަނަ ދުވަހު ހަމާސްއިން އިސްރާއީލަށް ދިން ހަމަލާގައި އަންރްވާގެ މުވައްޒަފުންތަކެއް ބައިވެރިވެފައިވާ ކަމަށް ވެސް އިސްރާއީލުން ތުހުމަތުކުރެއެވެ.

މީގެ އަހަރެއްހާ ދުވަސް ކުރިން އިސްރާއީލުގައި އުފެދުނު ފުރަތަމަ އަރަބި އިސްރާއީލުގެ ހަމަނުޖެހުންތަކަށް ފަހު، 1949 ވަނަ އަހަރު އަންރްވާއިން އިން ޣައްޒާ، ހުޅަނގު އައްސޭރި، ލުބުނާން، އުރުދުން އަދި ސޫރިއާއިން ގާތްގަނޑަކަށް ހަ މިލިއަން ފަލަސްތީނުގެ ރެފިއުޖީންނަށް އެހީތެރިކަން ފޯރުކޮށްދެއެވެ.