ޚިޔާނަތުގެ ތުހުމަތު ކުރެވުނު އެސިސްޓެންޓް ކޮމިޝަނާ އޮފް ޕްރިޒަންސް މުޙައްމަދު އާސިފް، ކަރެކްޝަންސްގެ ވަޒީފާއިން އިއްޔެ ސަސްޕެންޑްކޮށްފިއެވެ.

"މެންދުރު ޓީވީ" އަށް ކަރެކްޝަންސް އިން އެކަން ވަނީ ކަށަވަރުކޮށްދީފައެވެ. އެހެން ނަމަވެސް އެކަމާ ގުޅޭ އިތުރު ތަފްސީލެއް އެ ޚިދުމަތުން ދީފައެއް ނުވެއެވެ.

އާސިފްގެ މައްޗަށް ތުހުމަތު ކުރެވެނީ، ޕްރިޒަންސް ކުލަބުގެ އެކައުންޓުން ދެ ލައްކައަށް ވުރެ ގިނަ ރުފިޔާ އަށް ޚިޔާނަތްތެރިވެ، އެ ފައިސާ އެކި އެކައުންޓްތަކަށް ޖަމާކުރުމުގެ ތުހުމަތެވެ. އޭނާގެ މައްޗަށް އެ ތުހުމަތު ކުރީ އެ ޚިދުމަތުގެ މުަވައްޒަފުންނެވެ.

އެގޮތުން އެ މައްސަލައިގައި އެ ޚިދުމަތުގެ މުވައްޒަފުން ވަނީ، އެ މައްސަލަ ފާހަގަކޮށް ކޮމިޝަނާ އޮފް ޕްރިޒަންސް ހަސަން ޒަރީރަށް ޕެޓިޝަނެއް ވެސް ހުށަހަޅައިފަ އެވެ.