އެމެރިކާގައި ކުޅޭ އެންމެ ޝަރަފުވެރި މުބާރާތް ކަމުގައިވާ އެމް.އެލް.އެސް ކަޕުން މެސީގެ އިންޓަރ މިއާމީ ކަޓައިފިއެވެ. މިއަދު އިންޓަރ މިއާމީގެ އަމިއްލަ ދަނޑުގައި ކުޅެވުނު ތިންވަނަ ޕްލޭއޮފް މެޗުން އިންޓަރ މިއާމީ ބަލިވީ އެޓްލާންޓާ އަތުންނެވެ.

އެމް.އެލް.އެސް ޕްލޭއޮފްގައި އިންޓަރ މިއާމީ އެޓްލާންޓާ އާ ދެކޮޅަށް ޕްލޭއޮފްގައި ވަނީ ތިން މެޗުކުޅެފައެވެ. އެގޮތުން ފުރަތަމަ މެޗު ކުޅެވުނީ އިންޓަރ މިއާމީގެ ދަނޑުގައެވެ. އެމެޗުން 2-1 އިން މޮޅުވުމުން ދެން ޖެހުނީ އަވޭގައި ނަތީޖާ ނެރޭށެވެ. އެޓްލާންޓާ ދަނޑުގައި ކުޅުނު މެޗުވެސް ނިމުނީ 2-1 އިން ނެވެ. އެހެންކަމުން އެގްރިގޭޓުން 3-3 އިން އެއްވަރުވެގެން ނޮކްއައުޓްގެ ތިންވަނަ ފުރުސަތެއް ވަނީ ދެޓީމަށްވެސް ލިބިފައެވެ. އަދި ނޮކްއައުޓްގެ ތިންވަނަ ފުރުސަތުގައި އިންޓަރ މިއާމީގެ އަމިއްލަ ދަނޑުގައި ކުޅެ 2-3 އިން އިންޓަރ މިއާމީ ވަނީ ބަލިވެފައެވެ.

މި ސީޒަނުގައި މޮޅުކުޚުމެއް ކުޅެމުން އައި އިންޓަރ މިއާމީއިން ވަނީ އެމްއެލްއެސް ގެ ރެގިއުލާ ސީޒަން 74 ޕޮއިންޓާއެކު ނިންމައި، 2021 ވަނަ އަހަރު ނިއު އިންގްލެންޑް ރެވޮލިއުޝަން އިން ހޯދި 73 ޕޮއިންޓުގެ ރެކޯޑު ބިންދައިލައިފިއެވެ. އަދި ސަޕޯޓާސް ޝީލްޑް ކާމިޔާބުކުރުމާއެކު ފީފާ އިން ވަނީ އެޓީމަށް ކްލަބް ވޯލްޑްކަޕުން ފުރުސަތު ދީފައެވެ.

އަދި މި ސީޒަންގައި އެމެރިކާގެ އެންމެ ޝަރަފުވެރި ތަށި ފުރަތަމަ ފަހަރަށް މެސީ އާއެކު އިންޓަރ މިއާމީ އުފުލާލާނެކަމަށް ގިނަ ބަޔަކު ޤަބޫލުކުރިއެވެ. އެހެންނަމަވެސް މިއަދުގެ ބައްޔާއެކު މެސީ އާއި އޭނާގެ ސަޕޯޓަރުން ކުރަމުން އައި އުއްމީދުތައް ނިމި ޔޫ.އެސް.އޭގައި މެސީގެ ހަނީމޫން ވަނީ ނިމިފައެވެ.