ށ. އަތުޅުގެ ރަށްތަކަށް އަމާޒުކޮށްގެން އަތޮޅު ކައުންސިލުން ބާއްވާ މިލަ އުތުރު އަންހެން ހޭންޑްބޯލް މުބާރާތް 2024 ގެ ފައިނަލް މެޗުން މޮޅުވެ ޖެހިޖެހިގެން ދެ ވަނަ ފަހަރަށް ތަށި ފޭދޫ ޓީމުން ކާމިޔާބުކޮށްފިއެވެ. ފައިނަލް މެޗުގައި ބައްދަލުކުރީ ފޭދޫގެ އިތުރުން ފައިނަލް މެޗު ހޯސްޓު ކުރި ފޯކައިދޫއެވެ. މި މެޗު ފޭދޫއިން ކާމިޔާބުކުރީ 24-16 ލަނޑުންނެވެ.

މެޗުފެށިގެން ހަމަހަމަ ކުޅުމެއް ފެނިގެން ދިޔަ މި މެޗުގައި ފޭދޫގެ ޓީމުން ކުރީކޮޅުގައި ގޯލެއްޖަހާ މެޗުގެ ކޮންޓްރޯލް ހޯދިއެވެ. އަދި ދެވަނަ ހާފުގައި ޓީމުގެ ފަރާތުން މޮޅު ކުލުނެއް ފެނިފައިވެއެވެ. މި މެޗުގެ ދެ ވަނަ ހާފުގައި ފޭދޫ ޓީމުގެ ކެޕްޓަން ޝިފާނާ އަށް ވަނީ ރަތްކާޑު ދައްކާފައިވެއެވެ.

ފައިނަލް މެޗުގެ މޮޅުކުޅުންތެރިޔަކީ ފޭދޫ ޓީމުގެ ޝެހެނާ އެވެ. މުބާރާތުގެ މޮޅުކުޅުންތެރިޔަކަށް ހޮވިފައިވަނީ ފޭދޫ ޓީމުގެ އާއިޝަތު ޝާއިނާ އެވެ.

ރޭގަ މެޗު ނިންމުމަށްފަހު މުބާރަތް ނމުމުގެ ރަސްމިއްޔާތު ވަނީ ބާއްވާފައެވެ. މި ރަސްމިއްޔާތު ޝަރަފުވެރި ކޮށްދީފައިވަނީ މާލޭ މޭޔަރު އާދަމް އާޒިމް އެވެ.

ފައިނަލް މެޗު ނިމުމަށްފަހު ރޭގައި ޗެންޕިއަން ޓީމުން ތަށިހިފައިގެން ފޭދޫއަށް ދިޔުމުން ރަށުގެ ރައްޔިތުންގެ ފަރާތުންވަނީ ރަތް ދޫލައިގެ ވަރަށް ހޫނު މަރުޙަބާއެއް ވަނީ ކިޔާފައެވެ.