ޕިކަޕަކުން ކުލަޕާޓާތަކެއް ބާލަން އުޅުނު ވަގުތު ޕިކަޕު އަރިއަޅާލާ އޭގައި ހުރި ކުލަ ޕާޓާތައް މަގުމައްޗަށް ބަންޑުންވެއްޖެއެވެ. މި ހާދިސާ ހިނގާފައިވަނީ މާލޭ ކޯރުކެނޑި މަގުގައެވެ.

ކުލަ ފާޓާތައް މަގުމައްޗަށް ބަންޑުންވެ އެ ސަރަހައްދުގައި ޕާކުކޮށްފައި ހުރި ސައިކަލުތަކަށް ވެސް ކުލަ ބުރައިގެން ގޮސްފައިވެ އެވެ.

މަގުމައްޗަށް އެޅިފައިވާ ކުލަ ސާފުކުރުމުގެ މަސައްކަތް މިހާރު އަންނަނީ ކުރަމުންނެވެ.

ކުލަ ފާޓާތަކެއް އަރުވައި ބަރާކޮށްގެން ހުޅުމާލޭން މާލެއަށް އައި ޕިކަޕަކުން ފާޓާތައް ވެއްޓި މަގުމައްޗަށް ކުލަ އެޅުނު ހާދިސާއެއް މިދިޔަ މަހުވެސް ހިނގާފައިވެއެވެ.

--

މި މަންޒަރު ދުށް މީހަކު ބުނި ގޮތުގައި ޕިކަޕު ފަހަތުގައި ބަރިބަރިއަށް ކުލަ ފާޓާތައް ބަހައްޓައިގެން އައި ޕިކަޕު މާލެއަށް އަރައި ސެނަހިޔާ ހޮސްޕިޓަލާވީ ކޮޅަށް އަނބުރާލި ވަގުތު ހައިވޭ މައްޗަށް ސާޅީހަކަށް ފާޓާ ވެއްޓުނު ކަމަށާއި، އޭގެ ތެރެއިން ބައެއް ފާޓާތައް ފަޅައިގެން ގޮސް މުޅި މަގުގައި އޮތީ "ކުލަލެވިފަ" ކަމަށެވެ.