ގޯލްޑް ކަޕް ގައި ގްރޫޕް ސީ ގައި ރޭގައި އައްޑޫ ސިޓީ އާއި ވާދަކޮށް ގުރައިދޫއިން މުހިންމު ޕޮއިންޓެއް ހޯދައި ގްރޫޕްގެ އެއްވަނައަށް އަރައިފިއެވެ. މި މެޗު އެއްވަރުވެފައިވަނީ 1-1 އިންނެވެ. ރޭގެ މެޗުން އެއްވަރުވުމާއެކު ގުރައިދޫއަށް ވަނީ ކުޅުނު 2 މެޗުން 4 ޕޮއިންޓް ލިބިފައެވެ.

މި މެޗަށް ނިކުތް އިތު އައްޑޫ ސިޓީ ކުރެންދޫއާއި ވާދަކޮށް ވަނީ އެއްވަރުވެފައެވެ. އަދި ގުރައިދޫ ވަނީ ހުރާ އަތުން މޮޅުވެފައެވެ.

ރޭގެ މެޗުގައި ފުރަތަމަ ގޯލުޖަހައި ކުރިހޯދީ އައްޑޫ ސިޓީއިންނެވެ. މި ގޯލު އެޓީމަށް ކާމިޔާބުކޮށްދިނީ މެޗުގެ 13 ވަނަ މިނެޓުގައި ނާފިޢު ދިން އެސިސްޓަކުން ޖޯޒީ ނަންބަރު 24 މުޙައްމަދު އީންޝާލް އެވެ. އެހެންނަމަވެސް ގުރައިދޫއިން ވަނީ 20 ވަނަ މިނެޓުގައި ގޯލެއްޖަހައި ނަތީޖާ ހަމަކޮށްދީފައެވެ. މި ގޯލު އެޓީމަށް ކާމިޔާބުކޮށްދީފައެވެ. މި ގޯލު ކާމިޔާބުކޮށްދިނީ އަހުމަދު އަހުޒާމް އެވެ.

މި މެޗުގައި ދެ ޓީމަށްވެސް ވަނީ ގޯލުޖަހާނެ ގިނަ ފުރުސަތުތަކެއް ލިބި ބޭކާރުކޮށްލާފައެވެ.

މި މުބާރާތުގެ ގްރޫޕް ސީގެ އެއްވަނައިގައި ގުރައިދޫ އޮތްއިރު، ތާވަލުގެ ފުރުލައި އޮތް ކުރެންދޫއާއި ހުރާ ބައްދަލުކުރާމެޗު މިއަދު ހަވީރުގައި އޮންނާނެއެވެ.