ވެރިކަންކުރާ ކޯލިޝަންގައި ހިމެނޭ ދެވަނަ ޕާޓީ، ޕީޕީއެމް އުވައިލަން އެ ޕާޓީގެ ސެނެޓުން މިއަދު ފާސްކޮށްފި އެވެ.

އެގޮތަށް ފާސްކުރީ މިހާރު ކުރިއަށް ގެންދާ ޕީޕީއެމް ސެނެޓް ބައްދަލުވުމުގައެވެ.

އެ ޕާޓީ އުވާލަން ހުށަހެޅުމުން އެ ވޯޓުގައި ބައިވެރިވެވަޑައިގެންނެވި 42 މެމްބަރުންގެ އިއްތިފާގުން ވަނީ ޕީޕީއެމް އުވައިލަން ފާސްކޮށްފައެވެ.

މި ބައްދަލުވުމުގެ ރިޔާސަތު ބަލަހައްޓަވަނީ، އެ ޕާޓީގެ ދެ ނައިބު ރައީސުން ކަމަށްވާ މިނިސްޓަރު އަހުމަދު ޝިޔާމާއި މިނިސްޓަރު މުހައްމަދު ޣައްސާން މައުމޫނެވެ.

އެ ޕާޓީ އުވާލަން ފާސްކޮށްފައި މިވަނީ އެކަމާއުގުޅޭ އަޑުތައް އަރާތާ ދުވަސްތަކެއް ފަހުންނެވެ.