މިއަހަރުގެ ނޮވެމްބަރު މަހުގެ ނިޔަލަށް ވިއްސާރައިގެ ގެއްލުން ލިބިގެން ރިޕޯޓުކޮށްފައިވާ ރަށްރަށުގެ ގެގަތަށް ފައިސާގެ އެހީ ދިނުމަށް ނިންމާފައިވާކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ އެންޑީއެމްއޭއިން ވިދާޅުވެއްޖެއެވެ.

އެގޮތުން ލިބުނު ގެއްލުން 1.1 މިލިއަން ރުފިޔާއަށް އަރާ ކަމަށާއި މިމުއްދަތުގެތެރޭގައި އެންމެ ގިނަ ގޭބިސީއަށް ގެއްލުންވެގެން ރިކޯޑުކުރެވިފައިވަނީ، ޅ. ކުރެންދޫއިން ކަމަށެވެ.މިއަހަރުގެ ނޮވެމްބަރު މަހުގެ ނިޔަލަށް ވިއްސާރަކޮށްގެން ރާއްޖޭގެ 10 ރަށަކުން ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ އެންޑީއެމްއޭއަށް ރިޕޯޓުކޮށްފައިވާކަމަށް އެއޮތޯރިޓީން ވިދާޅުވެއެވެ.

މިގޮތުން މި 10 ރަށުގެ 110 ގެއަށް ގެއްލުންވެގެން ފޯމު ހުށައަޅާފައިވާކަމަށާއި، މީގެތެރެއިން އެންމެ ގިނަ ގޭބިސިތަކަށް ގެއްލުންވެގެން ރިޕޯޓުކޮށްފައިވަނީ ޅ. ކުރެންދޫއިންކަމަށް އެންޑީއެމްއޭއިން ވިދާޅުވެއެވެ. އެރަށުގެ 97 ގެއަކަށް ގެއްލުންވެފައިވާކަމަށްވަނީ ރިޕޯޓުކޮށްފައެވެ.

މިއާއެކު ނޮވެމްބަރު މަހުގެ ނިޔަލަށް، ވިއްސާރައިގައި ޢިމާރާތްތަކަށާއި، ހިފާގެންގުޅޭ ތަކެއްޗަށް ލިބުނު ގެއްލުމުގެ ޖުމްލަ 1.1 މިލިއަނަށްވުރެ އިތުރުކަމަށް އެންޑީއެމްއޭއިން ވިދާޅުވެއެވެ.

އެންޑީއެމްއޭއިން ވިދާޅުވީ، ވިއްސާރައިގައި ގެއްލުން ލިބުނު ގެބިސީތަށް ވަޒަންކޮށް، "ކާރިސާތަކުގައި އިންސާނީ އެހީތެރިކަން ފޯރުކޮށްދިނުމާއި، ކާރިސާތަކުން ލިބޭ ގެއްލުންތަކަށް އެހީދިނުމާއި ބެހޭ ޤަވާއިދު"ގެ ދަށުން އެހީތެރިކަން ފޯރުކޮށްދިނުމަށް ކަމާބެހޭ އިދާރާތަކަށް ހުށައަޅާފައިވާކަމަށެވެ.