ބޯކޮށް ވާރޭވެހި މާލޭގެ މަގުތަކުގައި ފެންބޮޑުވެ، ގޭބިސީތަކަށް ފެންވަންނަމުންދާތީ އެހީތެރިކަން ފޯރުކޮށްދިނުމުގެ ގޮތުން ވެލިބަސްތާ ޖެހުމުގައި އެމްއެންޑީއެފް މާލޭ އޭރިއާ ކޮމާންޑްގެ ސިފައިން ހަރަކާތްތެރިވާން ފަށައިފި.

ރޭ ދަންވަރު ވެހެން ފެށި ވާރޭ، މިއަދު ހެނދުނު 7 ޖެހުމާ ހަމައަށް ވެސް ހުއްޓާލާފައެއް ނުވެއެވެ. އެއާއެކު ވަކިން ޚާއްސަކޮށް އަމީނީ މަގު ހިމެނޭހެން، މާލޭގެ އެކި ސަރަހައްދުތަކުގައި ވަނީ ވަރަށް ބޮޑަށް ފެން ބޮޑުވެފައެވެ.

Ad by Hajj Corporation

އެކަމުގެ ސަބަބުން މުޅި މާލެ ފެންބޮޑުވެފައިވާއިރު، އެމްއެންޑީއެފް އިން އެންމެ ބޮޑަށް ހަރަކާތްތެރިވަމުން އަނަނީ މާލޭގެ މާފަންނު ސަރަޙައްދުގައެވެ. އެގޮތުން އެމްއެންޑީއެފްއިން މާލޭގެ މާފަންނުގައި ހުންނަ އެކި ފިހާރަތަކާއި ގޭތަކުގެ ދޮރުމަތީގައި ވެލި ބަސްތާ ޖެހުމުގައި ދަނީ ހަރަކާތްތެރިވަމުންނެވެ.

މާލެއަށް ރެއިއްސުރެ ވަރަށް ބޯކޮށް ވާރޭ ވެހޭއިރު، މެޓް އޮފީހުން ވަނީ މިއަދު ފަތިހު 04:45 އިން ފެށިގެން މިއަދު ހެނދުނުގެ 08:45ގެ ނިޔަލަށް މާލެ ހިމެނޭހެން، ރާއްޖޭގެ ބޮޑު ސަރަހައްދަކަށް ރީނދޫ ސަމާލު ވެސް ނެރެފައެވެ.

މި ދުވަސްވަރު ރާއްޖޭގެ މޫސުން ގޯސްވާނެ ކަމަށް މެޓުން މީގެ ކުރިން ވަނީ ލަފާކޮށްފައެވެ. އެގޮތުން ވަކިން ޚާއްސަކޮށް، ހަފުތާ ބަންދުގެ ދެ ދުވަހުގައި މޫސުން ގޯސްވެ ކަނޑުތައް ގަދަވާނެ ކަމަށް މެޓް އިން ލަފާކޮށްފައިވާއިރު، މޫސުން ގޯސްވަނީ ރާއްޖެ ސަރަހައްދަށް ހުޅަނގު މޫސުން ނިމި، އިރުވައި މޫސުން ފެށޭ ދުވަސްވަރު ކަމަށްވާތީ، އުފެދޭ ކޮޅިގަނޑެއްގެ ސަބަބުންނެވެ.

އެއާއެކު، ޚާއްސަކޮށް މި ދެ ދުވަހު ކަނޑުދަތުރު ކުރާ ފަރާތްތަކުން މޫސުމަށް ސަމާލުކަން ދިނުމަށް އެ އިދާރާއިން ވަނީ އިލްތިމާސްކޮށްފައެވެ.

އިތުރަށް ކިޔާލަން:

Vissaaraa eku Mulhi Male' Fenu AdeegaiFacebookViberTelegramXWhatsApp