ރޭ ދަންވަރު ވެހެންފެށި ވާރޭއާއެކު މާލޭގެ މަގުތަކުގައި ވަރަށް ބޮޑަށް ފެންބޮޑުވެއްޖެއެވެ.

ރޭ ދަންވަރު ވެހެން ފެށި ވާރޭ، މިއަދު ހެނދުނު 7 ޖެހުމާ ހަމައަށް ވެސް ހުއްޓާލާފައެއް ނުވެއެވެ. އެއާއެކު މާލޭގެ އެކި ސަރަހައްދުތަކުގައި ވަނީ ވަރަށް ބޮޑަށް ފެން ބޮޑުވެފައެވެ.

Ad by Hajj Corporation

އެގޮތުން އެންމެ ބޮޑަށް ފެންބޮޑުވެފައިވާ ކަމަށް ފާހަގަކުރެވެނީ އަމީނީ މަގުގައެވެ. އެގޮތުން މުޅި އަމީނީ މަގުގައި ވެސް ވަރަށް ބޮޑަށް ފެން ހެދިފައިވާއިރު، އަމީނީ މަގާ ގުޅޭ މަގުތަކުގައި ވެސް ވަނީ ވަރަށް ބޮޑަށް ފެންބޮޑުވެފައެވެ.

މާލެއަށް ރެއިއްސުރެ ވަރަށް ބޯކޮށް ވާރޭ ވެހޭއިރު، މެޓް އޮފީހުން ވަނީ މިއަދު ފަތިހު 04:45 އިން ފެށިގެން މިއަދު ހެނދުނުގެ 08:45ގެ ނިޔަލަށް މާލެ ހިމެނޭހެން، ރާއްޖޭގެ ބޮޑު ސަރަހައްދަކަށް ރީނދޫ ސަމާލު ވެސް ނެރެފައެވެ.

މި ދުވަސްވަރު ރާއްޖޭގެ މޫސުން ގޯސްވާނެ ކަމަށް މެޓުން މީގެ ކުރިން ވަނީ ލަފާކޮށްފައެވެ. އެގޮތުން ވަކިން ޚާއްސަކޮށް، ހަފުތާ ބަންދުގެ ދެ ދުވަހުގައި މޫސުން ގޯސްވެ ކަނޑުތައް ގަދަވާނެ ކަމަށް މެޓް އިން ލަފާކޮށްފައިވާއިރު، މޫސުން ގޯސްވަނީ ރާއްޖެ ސަރަހައްދަށް ހުޅަނގު މޫސުން ނިމި، އިރުވައި މޫސުން ފެށޭ ދުވަސްވަރު ކަމަށްވާތީ، އުފެދޭ ކޮޅިގަނޑެއްގެ ސަބަބުންނެވެ.

އެއާއެކު، ޚާއްސަކޮށް މި ދެ ދުވަހު ކަނޑުދަތުރު ކުރާ ފަރާތްތަކުން މޫސުމަށް ސަމާލުކަން ދިނުމަށް އެ އިދާރާއިން ވަނީ އިލްތިމާސްކޮށްފައެވެ.

އިތުރަށް ކިޔާލަން:

Hafthaa Bandhuga Moosun Goas Vaane FacebookViberTelegramXWhatsApp