އެގްރޯ ނޭޝަނަލް ކޯޕަރޭޝަން، އެގްރޯނެޓް އުވާލަން ސަރުކާރުން ނިންމައިފިއެވެ.

"އެގްރޯ ނޭޝަނަލް ކޯޕަރޭޝަން" އަކީ ދިވެހިރާއްޖޭގައި ދަނޑުވެރިކަމުގެ ސިނާއަތް ކުރިއެރުވުމުގެ މަޤްޞަދުގައި 2020 ވަނަ އަހަރު އުފައްދާފައިވާ ކުންފުންޏެކެވެ.

އެގްރޯނެޓް އުވާލަން ނިންމައި މިމަހުގެ 6 ވަނަ ދުވަހުގެ ކުރިން ކުންފުނީގެ އެންމެހައި މުއާމަލާތްތައް ނިންމުމަށް ފިނޭންސް މިނިސްޓްރީން މިހާރު ވަނީ އެ ކުންފުންޏަށް އަންގާފައެވެ.އެގްރޯނެޓުން ވިދާޅުވީ، ފިނޭންސް މިނިސްޓްރީން މިގޮތައް އަންގާފައިވާތީ އެ ކުންފުނީގެ ބެލެނިވެރި ކުންފުނި މޯލްޑިވްސް ފަންޑް މެނޭޖްމަންޓް ކޯޕަރޭޝަނުން ލިޔެކިޔުންތައް ނިންމުމުގެ މަސައްކަތް މިހާރު ކުރަމުންދާކަމަށެވެ. އެގްރޯނެޓް އުވާލުމަށްފަހު ދެން އަމަލުކުރާނެގޮތެއް އަދި ހާމަކޮށްފައެއް ނުވެއެވެ.