logoEN
ކުޅިވަރު

ހެރީކޭން ގެ އަބާއްޖަވެރިކަމަށް ނިމުމެއް ނެތް؟

އަބްދުﷲ ޣާނިމްއަބްދުﷲ ޣާނިމް

04 ޑިސެމްބަރު 2024 - 07:10

ބަޔާން މިއުނިކްގެ ސްޓްރައިކަރު ހެރީ ކޭންގެ ތަށި ނުލިބުމުގެ އަބާއްޖަވެރިކަން އަނެއްކާވެސް ދެމިގެން ހިނގައްޖެއެވެ. ރޭގައި ޖަރުމަން ކަޕް ޑީ.އެފް.ބީ ޕޮކާލް ގައި ވަރުގަދަ ލެވަރކޫސަންއާއި ދެކޮޅަށްކުޅެ ބަޔާން ވަނީ މުބާރާތުން އަލްވަދާޢު ކިޔާފައެވެ. މި މެޗު ނިމުނީ 1-0 ން ބަޔާން ބަލިވެގެންނެވެ.

ރޭގެ މެޗުގައިހެރީ ކޭން އަނިޔާގެ ސަބަބުން ހެރީކޭން އަކަށް ނުކުޅެވުނުވެ. މި މެޗުގައި ޖެރެމީ ފްރިމްޕޮންގް އަށް ކުރިފައުލަކާއި ގުޅިގެން މެޗުގެ 17 ވަނަ މިނެޓުގައި ގޯލްކީޕަރު މެނުއަލް ނޯޔާއަށް ވަނީ ރަތްކާޑު ދައްކާފައެވެ.

ބަޔާންގެ އަމިއްލަ ދަނޑުގައި ކުޅެވުނި މި މެޗުގެ ލެވަރކޫސަން ގެ ހަމައެކަނި ގޯލުޖެހީ 69 ވަނަ މިނެޓުގައި ސައުތެމްޕްޓަން އަދި ބާންލީ ކުރީގެ ކުޅުންތެރިއެއް ކަމަށްވާ ނޭތަން ޓެލާއެވެ.

ރޭގެ އަލްވަދާޢު ކިޔުމާއެކު ވޭތުވެދިޔަ 10 އަހަރު ވަންދެން ގިނަ ލަނޑުތަކެއް ޖަހަމުން އައި ކޭން އަށް އޭނާގެ ކެރިއަރުގައި މިހާތަނަށް ބޮޑު ތަށްޓެއް ނުލިބެއެވެ. ޓޮޓްނަމްގައި އުޅުނުއިރު އޭނާ ޕްރިމިއަރ ލީގު، ޗެމްޕިއަންސް ލީގު އަދި ދެފަހަރެއްގެ މަތިން ލީގު ކަޕުގެ ދެވަނައަށް ގޮސްފައިވެއެވެ. އަދި އިނގިރޭސި ޤައުމީ ޓީމާއެކުވެސް ދެފަހަރެއްގެ މަތިން ޔޫރަޕިއަން ޗެމްޕިއަންޝިޕްގެ ފައިނަލުން ބަލިވެފައިވެއެވެ.

ކޭން ބަޔާން މިއުނިކް އަށް ބަދަލުވީ 2023 ވަނަ އަހަރުގެ ކުރީކޮޅުގައެވެ. އޭނާގެ މަޤްޞަދަކީ ތަށިތައް ހޯދުމެވެ. ނަމަވެސް 12 އަހަރުވަންދެން ކޮންމެ ސީޒަނެއްގައިވެސް މަދުވެގެން އެއް ތަށި ހޯދަމުން އައި ބަޔާން އަށް ހެރީކޭން ގެ ފުރަތަމަ ސީޒަން ނިންމާލާންޖެހުނީ ހުސްއަތާއެވެ. މިދިޔަ ސީޒަންގައި ތޯމަސް ޓުޗެލްގެ ދަށުން ބަޔާން މިއުނިކް ބުންޑެސްލީގާގައި ދިޔައީ ތިންވަނައަށެވެ. އަދި ޑީ.އެފް.ބީ ޕޯކަލްގައި ދެވަނަ ޑިވިޜަންގެ ޓީމެއް ކަމަށްވާ އެފްސީ ސާބްރުކެން އަތުން ބަލިވެ ވަކިވިއެވެ. އަދި ޗެމްޕިއަންސް ލީގުގައި ސެމީ ފައިނަލުން ރިއަލް މެޑްރިޑް އަތުން ޖުމުލަ 4-3 އިން ބަލިވެ ވަކިވިއެވެ.

އެހެންކަމުން ރޭގެ ބަލިވުމާއެކު ހެރީކޭންގެ އަބާއްޖަވެރި ކަމަށް އަނެއްކާވެސް ބޮޅެއް އިތުރުވީއެވެ.

r

315x437_placeholder

ކޮމެންޓް

871x217_placeholder