ސޫރިޔާގެ ރައީސް ބައްޝާރު އަލް-އަސަދުގެ ވެރިކަން ވެއްޓުމުން ޔަހޫދީ ދައުލަތުން އެ ކަމުގެ ފައިދާ ނަގައި އިތުރު ބިންތައް އިސްތިޢުމާރު ކުރުމުގެ މަސައްކަތް ފަށައިފިއެވެ. 1967ވަނަ އަހަރު ޢަރަބިންނާ ދެކޮޅަށް ކުރި ހަނގުރާމާގައި ޔަހޫދީން ވަނީ ސޫރިޔާގެ ޖޫލާނުގެ އުސް ބިންތައް އިސްތިޢުމާރުކޮށްފައެވެ. އަދި އަސަދުގެ ވެރިކަން ވެއްޓުމުން ޔަހޫދީ އިސްތިޢުމާރީ ފައުޖުން ވަނީ ސޫރިޔާގެ ސަރަޙައްދީ ރޮނގުގެ އިން ފަހަތަށް ޖައްސައި އިތުރު ސަރަޙައްދަކަށް އަތްގަދަކޮށްފައެވެ.

އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ ވަނީ އަލަށް ހިފާފައިވާ ސަރަހައްދުތަކަށް ޒިޔާރަތްކުރައްވައި އަސަދު ވެއްޓުމަކީ އިސްރާއީލަށް ލިބުނު ތާރީހީ ކާމިޔާބީއެއް ކަމަށް ވިދާޅުވެފައެވެ. އަދި ނަތަންޔާހޫގެ މިކާމިޔާބީގެ ފަހަތުގައި ވަނީ ލުބުނާނުގައި އީރާނާއި ހިޒްބުاللهއާ ދެކޮޅަށް އިޒްރޭލުން ހިންގަމުންދާ އަސްކަރީ އޮޕަރޭޝަންތަކުގެ ސަބަބުން އަސަދުގެ ވެރިކަން ހަލަބޮލިވެގެން ދިޔަ ކަމަށް ނަތަންޔާހޫ ވިދާޅުވި އެވެ.

Ad by Hajj Corporation

އޭނާ ވަނީ އަސަދުގެ ވެރިކަން ވެއްޓުމުން ޔަހޫދީން އިތުރު މަގުތަކެއް ފަހިވެފައިވާ ކަމަށް ބުނެފައެވެ. މީގެއިތުރުން، އަސަދު ވެއްޓުމާ ގުޅިގެން އިސްރާއީލު ސިފައިން ދިމިޝްގަށް ވައިގެ ހަމަލާތަކެއް ދީފައިވަނީ އަސްކަރީ މުދަލަށް އަމާޒުކޮށްގެން ކަމަށް ރިޕޯޓްތައް ބުނެއެވެ.

އިޒްރޭލުން ގޯލާން ހައިޓްސް ހިފަހައްޓަމުން ގެންދިއުމަކީ ދެބަސްވެ، ބައިނަލްއަގްވާމީ މުޖުތަމައު، އޭގެ ސައްހަކަމާ މެދު ބައިބައިވެފައިވާ މައްސަލައެކެވެ.