އަލިފާނުގެ ހާދިސާއާ ގުޅިގެން 50 މީހުން އެހީތެރި ކަމަށް އެދުނު ކަމަށާއި އެ މީހުންގެ ރަޖިސްޓްރޭޝަން ހަދާފައިވާ ކަމަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފިއެވެ.

އެންޑީއެމްއޭއިން ބުނީ މީހުންނަށް ބޭނުންވާނެ ޒަރޫރީ އެހީތެރިކަން ފޯރުކޮށްދިނުމަށް ސޯޝަލް ސެންޓަރުގައި ހުރި އިވެކުއޭޝަން ސެންޓަރު ތައްޔާރުކުރެވިފައިވާ ކަމަށާއި އެހެން ނަމަވެސް އާއިލާތައް އެދުމުގެ މަތިން ވަގުތީ ގޮތުން އެ މީހުން ތިމާގެ ގޭގެއަށް ބަދަލުވެފައިވާ ކަމަށެވެ.ގެއްލުން ލިބުނު އިމާރާތްތަކުގެ ރެޕިޑް އެސެސްމަންޓްއެއް ހެދުމުގެ މަސައްކަތް މިހާރު ކުރަމުންދާއިރު މިތަންތަނަށް މީހުން ބަދަލުވާން ރައްކާތެރިނަމަ އާއިލާތައް ބަދަލުކުރަން އެހީތެރިކަން ފޯރުކޮށްދޭނެ ކަމަށްވެސް އެންޑީއެމްއޭއިން މައުލޫމާތުދެއެވެ.ހައުސިން މިނިސްޓްރީގައި މިއަދު ހެނދުނު ރޯވި އަލިފާންގަނޑު މިހާރުވަނީ ނިއްވާލާފައެވެ.