އިއްޔެ ހިނގި އަލިފާނުގެ ހާދިސާގައި ގެއްލުންވި މިނިސްޓްރީތައް ވަގުތީ ގޮތުން ދަރުބާރުގެއަށް ބަދަލުކުރަން ނިންމައިފިއެވެ.

އަލިފާން ރޯވީ ހައުސިން މިނިސްޓްރީ ހިންގަމުން ދިޔަ މ. ގްރީން ބިލްޑިން އިމާރާތުގައެވެ.

ހައުސިން މިނިސްޓްރީ ހިންގާ އިމާރާތުގައި ކޮންސްޓްރަކްޝަން މިނިސްޓްރީ އާއި އެންވާރަމަންޓް މިނިސްޓްރީވެސް ހިންގަމުން އަންނައިރު އެ ކޮށީގައި ސިޓީ ކައުންސިލްގެ ބައެއް ވެސް ހިންގައެވެ.

އަލިފާނުގެ ހާދިސާއެއްގެ ސަބަބުން ތިން މިނިސްޓްރީގެ މަސައްކަތް ވަނީ ވަގުތީ ގޮތުން ހުއްޓިފައެވެ.

މި އޮފީސްތަކުގެ މަސައްކަތް ދަރުބާރުގެއަށް ވަގުތީ ގޮތުން ބަދަލުކުރަން ނިންމާ އެ މަސައްކަތް ފަށާފައިވާިއރު އަންނަ އާދިއްތަ ދުވަހު ހިދުމަތް ދެވޭވަރަށް އޮފީސްތަކުގެ ސެޓަޕްތައް ހަދާ ނިންމާލުމަށް ދަނީ މަސައްކަތް ކުރަމުންކަން މެންދުރު ޓީވީއަށް ވަނީ އެނގިފައެވެ. އަދި މާލޭ ސިޓީ ކައުންސިލުން ބަލަހައްޓަމުން އަންނަ ވިހާ ކުދިންގެ ރަޖިސްޓްރީ ހެއްދުމުގެ ހިދުމަތް ދެމުން އައި ވައިޓަލް ސެކްޝަންގެ ހިދުމަތް މިއަދުން ފެށިގެން ދެމުން ގެންދާނީ ހުޅުމާލޭގައި ހުންނަ މާލެސިޓީ ކައުންސިލްގެ ހުޅުމާލޭގެ އޮފީހުންގައިކަމަށް ކައުންސިލުން މައުލޫމާތުދެއެވެ.

އިއްޔެ ހިނގި މި ހާދިސާއާ ގުޅިގެން އެ އިމާރާތް ވަަށައިގެން ހުރި އެހެން އިމާރާތްތަކުން ވެސް މީހުން ހުސްކޮށްފައިވާއިރު ބައެއް ސްކޫލުތަކުގެ ކިޔެވުން ވެސް ވަނީ މެދުކަނޑާލާފައެވެ.