ރާއްޖޭގައި މިހާތަނަށް ބާއްވާ އެންމެ ބޮޑު ފުޓްސަލް މުބާރާތް ކަމުގައިވާ ގޯލްޑަން ފުޓްސަލް ޗެލެންޖު 2025 ގެ ގުރުލައިފިއެވެ. މިއަހަރުގެ ގޯލްޑަން ފުޓްސަލް މުބާރާތުގެ ގުރުއަތުލުން ކުރިޔަށް ގެންގޮސްފައިވަނީ ގޯލްޑަން ފުޓްސަލް އެސޯސިއޭޝަން ގެ ހެޑްއޮފީހުގައެވެ.

Ad by Hajj Corporation

މިއަހަރުގެ މުބާރާތުގެ ހއ އަދި ހދ އަތޮޅުން ކޮންމެ އަތޮޅަކުން 10 ޓީމު ބައިވެރިވެފައިވެއެވެ. ށ އަތޮޅުން ޖުމްލަ 8 ޓީމެއް ބައިވެރިވެފައިވާއިރު ނ އަތޮޅުން 4 ޓީމެއް އަދި ރ އަތޮޅުންވެސް ޖުމްލަ 6 ޓީމެއް ބައިވެރިވެފައިވެއެވެ. ބ އަތޮޅުން ބައިވެރިވެފައިވަނީ މިދިޔަ އަހަރުގެ ޗެންޕިއަން އޭދަފުއްޓާއެކު 4 ޓީމެކެވެ. ޅ އަތޮޅުން ބައިވެރިވެފައިވަނީ 4 ޓީމެކެވެ.

ކ އަތޮޅުގައި 8 ޓީމެއް ބައިވެރިވެފައިވާއިރު އއ އިންވެސް ޖުމްލަ 8 ޓީމެއް ބައިވެރިވެފައިވެއެވެ. އދ އަތޮޅުން 6 ޓީމެއް ވާދަކުރާއިރު ވ އިން ވާދަކުރަނީ 3 ޓީމެކެވެ. އަދި މ އިން 7 ޓީމަކާއި ފ ން 5 ޓީމެއް ބައިވެރިވެއެވެ. ދ އިން 4 ޓީމެއް ބައިވެރިވާއިރު ތ އިން ދެ ގުރޫޕެއްގައި 10 ޓީމު ވާދަކުރެއެވެ. އަދި ލ އިން 6 ޓީމަކާއި ގއ ގެ 8 ޓީމަކާއި ގދ ގެ 6 ޓީމަކުން ވާދަކުރާއިރު، އައްޑޫ ސީޓީއިން މިފަހަރުގެ މުބާރާތުގައި ޖުމްލަ 6 ޓީމެއް ބައިވެރިވެފައިވެއެވެ. މި މުބާރާތުގައި ފުވައްމުލަކުން ބައިވެރިވެފައިވަނީ އެންމެ ޓީމެކެވެ. އަދި މާލެ ސިޓީއިން 4 ޓީމު ބައިވެރިވެފައިވެއެވެ.

ޖުމްލަ 128 ޓީމާއެކު ފަށާ މިމުބާރާތް ފަށަން ހަމަޖެހިފައިވަނީ އަންނަ ޖަނަވަރީ މަހުގެ 5 ވަނަދުވަހުގައެވެ.