މިދިޔަ 2023-2024 ވަނަ އަހަރުގެ ސީޒަންގައި ފްރާންސްގެ އެންމެ މޮޅު ކުޅުންތެރިޔާގެ މަޤާމު ކިލިއަން އެމްބަޕޭ ހޯދައިފިއެވެ. ފްރާންސް ފުޓްބޯޅަ މަޖައްލާއިން ހުށަހަޅާ މި އެވޯޑަށް ވޯޓުލީ މީގެ ކުރިން މި އެވޯޑު ލިބިފައިވާ ހުރިހާ ފްރެންޗް ކުޅުންތެރިންނެވެ. އެމްބަޕޭއަށް 56 ވޯޓު ލިބުނުއިރު، އޭނާގެ ވާދަވެރިޔާ ވިލިއަމް ސަލީބާއަށް ލިބުނީ 51 ވޯޓެވެ. މިއީ އެމްބާއްޕޭ އަށް މިއެވޯޑް ލިބުނު ހަތަރުވަނަ ފަހަރެވެ. މީގެ ކުރިން އޭނާ މި އެވޯޑު ހޯދާފައިވަނީ 2018، 2019 އަދި 2023 ވަނަ އަހަރުއެވެ.

ފްރާންސް ޤައުމީ ޓީމުގެ ކެޕްޓަން، ލެކީޕް ނޫހަށް ވާހަކަދައްކަމުން ބުނެފައިވަނީ، އޭނާއާ ވަރަށް ކައިރިން ވާދަކުރި ވިލިއަމް ސަލީބާވެސް މި އެވޯޑަށް ޙައްޤުވާ ކުޅުންތެރިއެއް ކަމަށެވެ.

މި އެވޯޑަކީ ފްރާންސްގެ އެންމެ މޮޅު ކުޅުންތެރިންނަށް ދެވޭ ޝަރަފުވެރި އެވޯޑެކެވެ. އެމްބަޕޭ މިފަހަރުވެސް މި އެވޯޑު ހޯދުމުން، އޭނާގެ ހުނަރުވެރިކަމާއި ތަޖުރިބާ އިތުރަށް ސާބިތުވެގެން ދިޔައެވެ. މި ކާމިޔާބީއާއެކު، އެމްބަޕޭ ފްރާންސްގެ ފުޓްބޯޅައިގެ ތާރީޚުގައި އެންމެ ކާމިޔާބު ކުޅުންތެރިންގެ ތެރޭގައި ހިމެނިގެން ދިޔައީއެވެ.