ފީފާ އިންޓަރ ކޮންޓިނެންޓަލް ކަޕްގެ ޗެންޕިއަންކަން ރެއާލް މެޑްރިޑުން ހޯދައިފިއެވެ. 2022 ވަނަ އަހަރުގެ ވޯލްޑް ފައިނަލް ކުޅުނު ޤަތަރުގެ ލުސައިލް ސްޓޭޑިއަމްގައި ކުޅުނު މިމެޗު ރެއާލް މެޑްރިޑުން ކާމިޔާބުކުރީ މެކްސިކޯގެ ޕަޗޫކާ އާއި ވާދަކޮށެވެ.

ހުރިހާ ބައްރުތަކުގެ ޗެންޕިއަން ޓީމުތައް ވާދަކުރާ މިމުބާރާތުގެ ފައިނަލުން ރެއާލް މެޑްރިޑް ޖާގަހޯދީ މިދިޔަ ސީޒަންގެ ޔުއޭފާ ޗެންޕިއަންސް ލީގު ފައިނަލުގައި ބްރޫޝިއާ ޑޯޓްމަންޑް ބަލިކޮށްގެންނެވެ. އަދި މި މުބާރާތުގެ ފައިނަލުން ޕަޗޫކާ ޖާގަ ހޯދީ ޗެލެންޖަރ ކަޕްގެ ފައިނަލުގައި އޭޝިޔާގެ ޗެންޕިއަން މިސްރުގެ އަލް އަހްލީ ޕެނަލްޓީ ޝޫޓުގައި ބަލިކޮށްގެންނެވެ.

ރޭގެ މެޗުގައި ރެއާލް މެޑްރިޑުގެ ފުރަތަމަ ގޯލު ކާމިޔާބުކޮށްދިނީ ވިނީ ދިން ޕާހަކުން އެމްބާއްޕޭއެވެ. އަދި ދެވަނަ ގޯލަކީ އޭރިޔާގެ ބޭރުން ރޮޑްރީގޯ ޖެހި ގޯލެކެވެ. އަދި ރެއާލްގެ ފަހު ގޯލަކީ ރެއާލް އަށް ލިބުނު ޕެނަޅްޓީއަކުން ވިނީޝިއަސް ޖެހި ގޯލެކެވެ.

ރޭގެ މެޗުގެ މޮޅުކުޅުންތެރިޔަކަށް ހޮވިފައިވަނީ ވިނީ ޖޫނިއަރ އެވެ. އަދި މުބާރާތުގެ އެންމެ މޮޅުކުޅުންތެރިޔާއަށްދޭ ގޯލްޑަން އެވޯޑް ލިބުނީވެސް ފީފާގެ އެންމެ މޮޅުކުޅުންތެރިޔާ ވިނީ ޖޫނިއަރ އަށެވެ. މުބާރާތުގެ ސިލްވަރ އެވޯޑް މެޑްރިޑްގެ ވަލްވާޑޭ ހޯދިއިރު، ބޮރޯންޒް މެޑަލް ހޯދީ ޕަޗޫކާގެ މޮންޓިއަލް އެވެ.

މުބާރާތުގެ މޮޅު ކުޅުންތެރިޔާ

މިއީ ރެއާލް މެޑްރިޑް 2024 ވަނަ އަހަރުގައި ކާމިޔާބުކުރި 5 ވަނަ މުބާރާތެވެ.