މިއދު ބޭއްވުމަށް ހަމަޖެހިފައިވާ އުރީދޫ ފަންރަންގެ ބައިވެރިންގެ ތެރެއިން ދެ މީހަކަށް ކޮލޮމްބޯ ދެ ކޮޅު ޓިކެޓް ދިނުމަށ ް އުރީދޫއިން ނިންމައިފި އެވެ.

އުރިދޫ އާއި ފިޓްސްއެއާ ގުޅިގެން ދޭ މި އިނާމު ލިބެނީ ހުކުރު ދުވަހު ހަވީރު 5:45 ގެ ކުރިން ފަންރަންގައި ރަޖިސްޓްރީވެ، ގޯޕްލޭ އެޕް ޑައުންލޯޑްކޮށް، އެޕްގައި ސައިންއަޕްކުރާ ކަސްޓަމަރުންގެ ތެރެއިން ގުރުއަތުން ހޮވޭ ދެ ފަރާތަކަށެވެ.

އުރީދޫ ފަންރަންގެ ހަރަކާތްތައް ބާއްވާނީ ހުޅުމާލޭގެ ސެންޓްރަލް ޕާކްގައެވެ.

ފިޓްސްއެއާގެ މާކެޓިން އެންޑް ކޮމިއުނިކޭޝަން މެނޭޖަރު ޝާފިޔާ ކަރީމް ވިދާޅުވީ އުރީދޫ މޯލްޑިވްސްގެ ފަންރަން 2024 ގައި ބައިވެރިވުމަކީ ލިބުނު ވަރަށް ބޮޑު އުފަލެއް ކަމަށާއި އަދި މިއީ އުރީދޫއާއެކު ކުރިއަށް ގެންދާ އެންމެ ފުރަތަމަ ކޮލަަބްރޭޝަން ކަމަށެވެ. އަދި މި ޕާޓްނާޝިޕްއަކީ ފިޓްސްއެއާރ އިން މުޖުތަމައުތައް ގުޅާލައި، ދަތުރުފަތުރުގެ ވަސީލަތްތައް އަތްފޯރާ ފަށަށް ގެނެސް ކަސްޓަމަރުންނަށް އުފާވެރި ތަޖުރިބާތަކެއް ގެނެސްދިނުމަށް ކުރާ މަސައްކަތް ދައްކުވައިދޭކަމަށޭވެ.

އުރީދޫ އިން ބުނީ ނަސީބުވެރިން ހޮވުމަށް ހަމަޖެހިިފައިވަނީ ޑްރޯންއަކުން ކަމަށާއި ފައިނަލް އިވެންޓް ބާއްވާ ދުވަހު ހަވީރު 5:45 ގައި އުރީދޫ ފަންރަން މައި ސްޓޭޖްގައި ލައިވްކޮށް އިއުލާނު ކުރާނެ ކަމަށެވެ.

ގްރޭންޑް ގިވްއަވޭގެ އިތުރުން ފިޓްސްއެއާ އިން އަންނަނީ މި އޮފާއަށް ރަޖިސްޓްރީވާ ހުރިހާ ބައިވެރިންނަށް ކޮލޮމްބޯއަށް ކުރާ ދަތުރުތަކުން 15 ޕަސެންޓް ޑިސްކައުންޓް ވެސް ދިނުމަށް ނިންމާފައެވެ.