ރަޝިއާއިން ރާއްޖެއަށް ފުރަތަމަ ފަހަރަށް ކޮންސުލް ޖެނެރަލެއް އައްޔަން ކޮށްފިއެވެ.

ރަޝިއާއިން ރާއްޖެއަށް ކަނޑައެޅި ކޮންސުލް ޖެނެރަލް، އެލެކްސީ އެމް އިޑަމްކިން ވަނީ އެމަނިކުފާނުގެ މަޤާމުގެ ލިޔުން މިއަދު ޚާރިޖީ ވަޒީރު ޑރ. އަބްދުﷲ ޚަލީލަށް އަރުވާފައެވެ.

Ad by Hajj Corporation

ރަޝިޔާ އަކީ ދެވަނައަށް އެންމެ ގިނައިން ރާއްޖެއަށް ފަތުރުވެރިން ޒިޔާރަތްކުރާ ޤައުމަށް ވެފައި ކޮންސުލް ޖެނެރަލް އެއް އައްޔަންވެގެން ދިއުމުން ދެ ޤައުމުގެ ދެމެދުގައި އިޤްތިސާދީ ގޮތުން އެއްބާރުލުން އިތުރުކޮށް ދެޤައުމުގެ ދެމެދުގައި އޮންނަ ގުޅުން ބަދަހިވެގެންދާނެކަމަށް މިނިސްޓަރ ފާހަގަކުރެއްވިއެވެ.

ރަޝިއާއިން ކޮންސުލް ޖެނެރަލެއް ރާއްޖެއަށް އައްޔަންކުރުމާ ގުޅިގެން ސޯޝަލްމީޑިއާގައި މިނިސްޓަރ ޚަލީލު ކުރެއްވި ޕޯސްޓެއްގައި ވިދާޅުވީ ރަޝިޔާއިން އަލަށް ރާއްޖެއަށް ކޮންސުލް ޖެނެރަލެއް އައްޔަން ކުރުމަކީ ތާރީޚީ ކަމެއް ކަމަށެވެ.