ފިނޭންސް މިނިސްޓްރީން އިއްޔެ އައު ޓީ-ބިލްތަކެއް ވިއްކަން ނިންމައިފިއެވެ.

މި ފަހަރު ވިއްކަން ހަމަޖެހިފައިވަނީ 28 ދުވަހުގެ ތެރޭގައި އަނބުރާ ދެއްކުމަށް 276.6 މިލިއަން ރުފިޔާގެ ޓީ-ބިލް، 98 ދުވަހުގެ ތެރޭގައި އަނބުރާ ދެއްކުމަށް 200 މިލިއަން ރުފިޔާގެ ޓީ-ބިލް، 182 ދުވަހުގެ ތެރޭގައި އަނބުރާ ދެއްކުމަށް 289.7 މިލިއަން ރުފިޔާގެ ޓީ-ބިލް، އަދި 364 ދުވަހުގެ ތެރޭގައި އަނބުރާ ދެއްކުމަށް 843.6 މިލިއަން ރުފިޔާގެ ޓީ-ބިލްއެވެ.

Ad by Hajj Corporation

މި ޓީ-ބިލްތަށް ވިއްކަން ހަމަޖެހިފައިވަނީ 3.5 އިންސައްތައާއި 4.6 އިންސައްތައިގެ އިންޓްރެސްޓް ރޭޓުގެ މެދުގައެވެ.

ޓްރެޜަރީ ބިލް ނުވަތަ ޓީ-ބިލްތަކަކީ ކުރު މުއްދަތަކަށް ސަރުކާރުގެ ބޮންޑުތައް މެޗޫއަރވަންދެން ވިއްކާ ބިލްތަކެކެވެ. އެއީ އެންމެ މަދުވެގެން އެއް ދުވަހުގެ މެޗޫރިޓީ އާއި އެންމެ ގިނަވެގެން 364 ދުވަހުގެ މެޗޫރިޓީއަކާ އެކުއެވެ.

ޓީ-ބިލްއަކީ، ދައުލަތުގެ ބަޖެޓް ޑެފިސިޓް ފޫބެއްދުމަށް އާމްދަނީ ހޯދުމުގެ ގޮތުން ވަކި އިންޓަރެސްޓް ރޭޓެއްގައި، ފަހުން އަނބުރާ ފައިސާ ދައްކަން ޖެހޭ ގޮތަށް ދޫކުރާ ފައިސާ އެވެ.