ހުޅުމާލޭ ފޭސް 2ގެ ހިތިގަސްމަގުގައި ޕާކުކޮށްފައި އޮތް ކާރެއެއްގައި ރޭ މެންދަމު ރޯވެއްޖެއެވެ.

އެމްއެންޑީއެފްއިން މަޢުލޫމާތު ދެއްވިގޮތުގައި މި ހާދިސާގެ މަޢުލޫމާތު ހުޅުމާލޭ ފަޔަރ ސްޓޭޝަނަށް ލިބުނީ ރޭ މެންދަމު 3:36 ހާއިރުއެވެ.

މަޢުލޫމާތު ލިބުމާއެކު ވަގުތުން ފަޔަރ ފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ފަށައިފައެވެ. ފަޔަރ ފައިޓަރުންގެ ހަލުވި މަސައްކަތުން އަލިފާން ނިއްވާލެވުނީ 4:01 ހާއިރުއެވެ.

މި ހާދިސާގައި އެއްވެސް މީހަކަށް އަނިޔާވެފައިވާކަމުގެ މަޢުލޫމާތެއް ލިބިފައިނުވާކަމަށް އެމްއެންޑީއެފްއިން ބުނެއެވެ. އަދި އަލިފާން ރޯވި ސަބަބާއި ގެއްލުމުގެ މިންވަރު އަދި ވަނީ ހާމަކޮށްފައި ނުވެއެވެ.

މިފަދަ ހާދިސާތަކުން ރައްކާތެރިވުމަށް، ވެހިކަލްތައް ޕާކުކުރާއިރު ސަމާލުވުމަށާއި، އަލިފާނުގެ ހާދިސާއެއް ހިނގާނަމަ ވަގުތުން ކަމާބެހޭ ފަރާތްތަކަށް އެންގުމަށް ފަޔަރ ސަރވިސްއިން އާންމުންނަށް އިލްތިމާސްކުރެއެވެ.