ވަން އެންޑް އޮންލީ ރީތިރަށް ރިސޯޓުގެ ވޯޓަރވިލާއެއްގައި އަލިފާނުގެ ހާދިސާއެއް ހިނގައިފިއެވެ.

ރޭ ދަންވަރު ހިނގި މި ހާދިސާގައި ރޯވި އަލިފާން ވަނީ ރިސޯޓްގެ މުވައްޒަފުން ކޮންޓްރޯލްކޮށް ނިއްވާލާފައެވެ. މި ހާދިސާގެ މަޢުލޫމާތު ލިބުމުން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ވަނީ އެ ރިސޯޓަށް ގޮސް ހަރަކާތްތެރިވެފައެވެ.

 ހާދިސާގައި އެއްވެސް މީހަކަށް އަނިޔާއެއް ލިބިފައިނުވާއިރު، މި ވޯޓާ ވިލާގެ ފުރާޅަށާއި ސީލިންއަށް އެކިވަރުގެ ގެއްލުންތައް ވަނީ ލިބިފައެވެ. 

އަލިފާނުގެ ހާދިސާ ދިމާވާން މެދުވެރިވި ސަބަބު އަދި އެނގިފައެއް ނުވެއެވެ.