މަޖީދީ މަގުގައި ހުންނަ މާލެ ގްރޭންޑު ކުރިމަތިން މަގު ބަންދުކޮށް ޓްރެފިކް ފްލޯއަށް ބަދަލުތަކެއް ގެނައުމަށް ނިންމައިފިއެވެ.

މަގު ބަންދުކޮށްފައިވަނީ މަޖީދީމަގުގައި ފެންބޮޑުވާ މައްސަލަ ހައްލުކުރުމުގެ ގޮތުން ކުރެވޭ މަސައްކަތުގެ ތެރެއިން ކަމަށް މާލެ ސިޓި ކައުންސިލުން ވަނީ ބުނެފައެވެ.

Ad by Hajj Corporation

އެގޮތުން ބްލޮކްތަކަކަށް ބަހާލައިގެން މި މަސައްކަތް ކުރަން ނިންމާފައިވާއިރު ފުރަތަމަ ބްލޮކްގެ މަސައްކަތް މިހާރު ކުރަމުންދަނީ މަޖީދީމަގުގެ މާލެ ގްރޭންޑް ކުރިމަތީގައެވެ.

މި މަސައްކަތް ކުރުމަށް ހަމަޖެހިފައިވަނީ 28 ޑިސެމްބަރު 2024 އިން ފެށިގެން 04 ޖަނަވަރީ 2025 ގެ ނިޔަލަށެވެ.

ޓްރެފިކް ފްލޯއަށް ބަދަލު ގެންނަނީ މަޖީދީމަގު، ޗާންދަނީމަގާއި ރަށްދެބައިމަގާއި ހަމައަށެވެ. މިބަދަލުގެ ސަބަބުން އެއްގަމު އުޅަނދު ދުއްވާ ފަރާތްތަކަށް ދިމާވެދާނެ ދަތިކަމަށްޓަކައި ކައުންސިލުން ވަނީ މާފަށް އެދިފައެވެ.