38 ޑިގްރީގައި ފުޓްބޯޅަކުޅޭގޮތް ރޮނާލްޑޯގެ ސަޕޯޓަރުންނަށް ފްރެންޗު ލީގް ވަން އިން ދައްކާލައިފިއެވެ. އެގޮތުން ލީގް ވަންއިން މެސީ ޤަތަރުގައި 2022 ވަނަ އަހަރުގެ ވޯލްޑް ކަޕް ތަށި 38 ޑިގްރީގެ ހޫނުގައި އުފުލާލާ ފޮޓޮއެއް އެކި މަންސަތަކުގައި ހިއްސާކޮށްފައިވެއެވެ.

ރޮނާލްޑޯއަށް މެދުއިރުމަތީގެ މޮޅުކުޅުންތެރިޔާ ލިބުނު ގްލޯބަލް ސޮކަރ އެވޯޑް ހަފްލާގައި ވާހަކަދައްކަމުން އޭނާ ބުނެފައިވަނީ މިހާރު ފްރާންސް ލީގުގައި އޮތީ ރަނގަޅު އެންމެ ޓީމެއް (ޕީ.އެސް.ޖީ) ކަމަށާއި، އެހެންކަމުން މިހާރު ފްރާންސް ލީގު ވަން އަށްވުރެ ސަޢޫދީ ލީގު މާ ވަރުގަދަ ކަމަށެވެ. އަދި މެދުއިރުމަތީގެ ހޫނުގައި (38، 39 އަދި 40) ޑިގްރީގައި މިލެވެލްގައި ކޮންމެ ކޮންމެ ބަޔަކަށް ނުކުޅޭވޭނެކަން ވަނީ ހާމަކޮށްފައެވެ.

މިއާއެކު ރޮނާލްޑޯގެ ސަޕޯޓަރުންނާއި މެސީގެ ސަޕޯޓަރުންގެ މެދުގައި ޚިޔާލުތައް ވަނީ ދެކަފިވެފައެވެ. އެގޮތުން މެސީގެ ސަޕޯޓަރުން ބުނަމުންދަނީ ރޮނާލްޑޯ އަށް މެސީ ލީގު ވަންގައި ކުޅެފައިވުމުން އެކަން ހަޖަމް ނުވަނީކަމަށެވެ. އަދި ސަޢޫދީ ލީގު މޮޅުކޮށްފައި އޭނާ ވާހަކަދައްކަނީ އޭނާ އެ ލީގަށް ގެންދިޔުމުގައި ޓީމާއި ހަދާފައިވާ ކޮންޓްރެކްޓުގެ ދަށުން ކޮންމެހެން ކުރަންޖެހޭ ކަމެއްކަމުގައި ވާތީކަމަށެވެ.

ނަމަވެސް ރޮނާލްޑޯގެ ސަޕޯޓަރުންގެ ޚިޔާލު މިކަމާ ދެކޮޅެވެ. އެގޮތުން ސަޢުދީ ލީގުގައި މިހާރު ހަމަހަމަ ވާދަވެރި ގިނަޓީމުތަކެއް ހިމެނޭކަމަށާއި އެހެންކަމުން މިހާރު ސަޢޫދީ ލީގުއޮތީ ލީގު ވަން އާއި ދާދި އެއްހަމައެއްގައިކަމަށް ކަމަށް ރޮނާލްޑޯގެ ސަޕޯޓަރުން ޤަބޫލުކުރެއެވެ.

ލީގުވަން ގައި ޕީ.އެސް.ޖީ އަށްކުޅުނު ނޭމާ އާއި މެސީއާއި އެމްބާއްޕޭ ޓީމު ދޫކޮށްލިފަހުން ލީގުވަން ޕްރޮމޯޓް ކުރުމަށް ފްރާންސް އެފްއޭއަށް ގިނަ ދަތިތަކާއި ކުރިމަތިލާން ޖެހުނެވެ. އަދި މިހާރު އިޝްތިހާރު ކުރާ ފަރާތްތަކުގެ ލޯތަށް ހުރީ ފްރެންޗް ލީގަށްވުރެ ބޮޑަށް ސަޢޫދީ ލީގަށްކަމުގައި ރިޕޯޓުތައް ބުނެއެވެ.