އިނގިރޭސި ޕްރީމިއަރ ލީގު: ޓޮޓްނަމް ބަލިވިއިރު، ޗެލްސީއިން އެއްވަރުވެއްޖެ
.png&w=3840&q=75)
ޗެލްސީ އާއި ޓޮޓްނަމް ކުޅުނު މެޗުގެ ތެރެއިން

05 ޖެނުއަރީ 2025 - 03:28
އިނގިރޭސި ޕްރީމިއަރ ލީގުގައި ރޭގައި ނިއުކާސަލް އާއި ވާދަކޮށް ޓޮޓްނަމް ބަލިވެއްޖެއެވެ. ޓޮޓްނަމްގެ އަމިއްލަ ދަނޑުގައި ކުޅެވުނު މިމެޗު ނިއުކާސަލް އިން ކާމިޔާބުކުރީ 2-1 އިންނެވެ.
މިމެޗުގެ ފުރަތަމަ ގޯލުޖަހައި ކުރިހޯދީ ޓޮޓްނަމް އިންނެވެ. މިގޯލު ކާމިޔާބުކޮށްދިނީ މެޗުގެ 4 ވަނަ މިނެޓުގައި ސޮލަންކޭއެވެ. ނަމަވެސް އޭގެ 2 މިނެޓުފަހުން ގޯޑަން ވަނީ ގޯލެއް ޖަހައި މެޗުގެ ނަތީޖާ ހަމަކޮށްދީފައެވެ. އަދި ފުރަތަމަ ހާފު ނިމުމުގެ ކުރިން އިސާކް ވަނީ އިތުރު ގޯލެއް ޖަހައި ނިއުކާސަލް އަށް ލީޑު ނަގާދީފައެވެ.
ރޭގެ ބައްޔާއެކު ޓޮޓްނަމް ލީގުގައި އެންމެ ފަހުން ކުޅުނު 4 މެޗުންވެސް މޮޅުވެފައެއް ނުވެއެވެ. އަދި ޓޮޓްނަމް މިވަގުތު އޮތީ ތާވަލުގެ 12 ވަނައިގައެވެ.
މީގެއިތުރުން ޗެލްސީ ވަނީ ކްރިސްޓަލް ޕެލަސް އާއި ދެކޮޅަށްކުޅެ އެއްވަރުވެފައެވެ. އެގޮތުން މެޗުގެ ފުރަތަމަ ގޯލުޖަހައި ކުރިހޯދީ ޗެލްސީއިންނެވެ. ޔުނައިޓެޑުގެ ލޯނު ކުޅުންތެރިޔާ ސަންޗޯގެ އެސިސްޓަކުން މި ގޯލު ކާމިޔާބުކޮށްދިނީ މެޗުގެ 14 ވަނަ މިނެޓުގައި ޕާމާއެވެ. ނަތީޖާ ހަމަކޮށްދިން ގޯލު ޕެލަސް އަށް ކާމިޔާބުކޮށްދިނީ މެޗުގެ 82 ވަނަމިނެޓުގައި މަޓެޓާއެވެ.
މިއާއެކު އެންމެ ފަހުން ޗެލްސީ ކުޅުނު 3 މެޗުން މޮޅެއް ނުލިބި، މިވަގުތު އޮތީ ތާވަލުގެ 4 ވަނައިގައެވެ.
އިތުރު ލިޔުންތައް

55 އަހަރު ފަހުން ފޮރެސްޓަށް، އެންފީލްޑްގައި ލިވަޕޫލް ބަލިކުރެވިއްޖެ
7 މަސް ކުރިން
އިނގިރޭސި ގައުމީ ޓީމުގެ ކޯޗަކަށް ގުއާޑިއޯލާ އައުން ގާތް
6 މަސް ކުރިން
އިންގްލިޝް ޕްރީމިއަރ ލީގުގެ މެޗްޑޭ 08 އަށް އަވަސް ނަޒަރެއް.
6 މަސް ކުރިން