ސީދާ ރައްޔިތުންގެ ގާތަށް، ކައުންސިލްތަކުގެ ދޮރުތައް ހުރަސްކޮށް، ދަތުރު ކުރި އަދި ކުރަމުންދާ ހަމައެކަނި ރަޢީސް އަކީ ރައީސް ޑރ. މުޙައްމަދު މުޢިއްޒުކަމަށް ފުނަދޫ ދާއިރާގެ މެންބަރު މުހައްމަދު މަމްދޫހް ވިދާޅުވެއްޖެއެވެ.

2024ވަނަ އަހަރު އަތޮޅުތަކާ ރަށްތަކާ ސިޓީތަކުގެ ލޯކަލް ކައުންސިލުތަކާ ބައްދަލުކުރެއްވުމަށް ރައީސް މުޢިއްޒު ވަނީ ސިލްސިލާ ދަތުރުތަކެއް ފައްޓަވާފައެވެ.

މި ސިލްސިލާގެ މި އަހަރުގެ ފުރަތަމަ ދަތުރުފުޅު ކ. ގުޅިއަށް ރައީސް އިއްޔެ ކުރަށްވާފައިވާއިރު، މެމްބަރު މަމްދޫހް ކުރެއްވި ޕޯސްޓެއްގައި ވިދާޅުވީ، މަމްދޫހް ވިދާޅުވީ ކުރީގެ ސަރުކާރުތަކުގައި ރަށްރަށުގެ ރައްޔިތުންގެ ބަސް އިއްވަން ކައުންސިލްތައް، ބޮޑު އަގު ދީގެން ކަނޑުމަގުންނާއި ވައިގެމަގުން، ވެރިމީހާގެ ފައިންޕުޅު ދެކުމަށް، ފޮށިތަންމަތި ބަނދެގެން، މާލެ ދަތުރުކޮށް، ރައީސް އޮފީހުގެ ދޮރުމަތީ ކުރުކާލިކަނޑަން ޖެހުނު ކަމަށެވެ.

އެކަން ނިމުމަކަށް ގެނެސް، ސީދާ ރައްޔިތުންގެ ގާތަށް، ކައުންސިލްތަކުގެ ދޮރުތައް ހުރަސްކޮށް، ދަތުރު ކުރި އަދި ކުރަމުންދާ ހަމައެކަނި ރައީސަކީ ރައީސް މުޢިއްޒު ކަމަށް މަމްދޫހް ވިދާޅުވެފަވެއެވެ.

ރައީސްގެ މި ސިލްސިލާ ދަތުރުފުޅުތަކުގައި ރަށްރަށަށް ވަޑައިގެން އެ ރަށްރަށުގެ ކައުންސިލްއާއި، އަންހެނުންގެ ތަރައްޤީއަށް މަސައްކަތްކުރާ (އ.ތ.މ.) ކޮމިޓީއާއި، އެ ރަށުގެ ރައްޔިތުންނާއި އެމަނިކުފާނު ބައްދަލުކުރަށްވައެވެ. އަދި ރަށުގެ ތަރައްޤީއަށް ބޭނުންވާ ކަންކަމާއި، ރައްޔިތުން އެންމެ އެދޭކަންކަމާ ގުޅޭގޮތުން އެމަނިކުފާނު މަޝްވަރާ ކުރަށްވައެވެ.