ދިވެހިރާއްޖޭގެ ޚާރިޖީ ވަޒީރު ޢަބްދުﷲ ހަލީލް، ޔޫއޭއީ ގެ ޚާރިޖީ ވަޒީރު ޝައިޚް އަބްދުﷲ ބިން ޒައިދު އަލް ނަހްޔާން އަށް ބައްދަލުކުރައްވައިފިއެވެ.

ވަޒީރު ޚަލީލް، ޔޫއޭއީގެ ޚާރިޖީ ވަޒީރާ ބައްދަލުކުރައްވައިފައިވަނީ، އެގައުމަށް ވަޒީރު ޚަލީލު މިހާރު ކުރައްވަމުން ގެންދަވާ ދަތުރުފުޅުގެ ތެރެއިންނެވެ.

Ad by Hajj Corporation

އެގޮތުން އެ ބައްދަލުކުރެއްވުމުގައި ޔޫއޭއީ ގެ ޚާރިޖީ ވަޒީރު ވަނީ ވަޒީރު ޚަލީލު އެ ގައުމަށް ވަޑައިގެންނެވުމުން މަރްޙަބާ ދަންނަވާފައެވެ. އަދި ޢަރަބި ޢިމާރާތާއި ރާއްޖެއާ ދެމެދު އޮންނަ ގުޅުމާ ބެހޭގޮތުން މަޝްވަރާކުރައްވައި ދެ ޤައުމު ގުޅިގެން މަސައްކަތްކުރެވޭނެ ދާއިރާތަކާ ގުޅޭގޮތުން ވެސް އެބޭފުޅުން ވަނީ މަޝްވަރާކުރައްވާފައެވެ.

ވަޒީރު ޚަލީލް، ރަސްމީ ދަތުުރުފުޅެއްގައި ޔޫއޭއީއަށް ފުރާވަޑައިގެންނެވީ މި މަހުގެ 5 ވަނަ ދުވަހު، އިންޑިޔާއަށް ކުރެއްވި ރަސްމީ ދަތުރުފުޅަށް ފަހުއެވެ. އެގޮތުން ވަޒީރު ޚަލީލް އިންޑިޔާއަށް ކުރެއްވި ދަތުރުފުޅުގައި، އެގައުމުގެ ޚާރިޖީ ވަޒީރު ސުބްރަޔަމަން ޖައިޝަންކަރުއާ ވެސް ވަނީ ބައްދަލުކުރައްވާފައެވެ.