މާލޭގެ މަގުމަތީގައި ގަވައިދާ ހިލާފަށް ބަހައްޓާފައި ހުރި ޕެލެޓާއި ދަގަނޑު އަދި ރޭމްޕްތައް ނެގުމުގެ މަސައްކަތްތައް ކުރަމުންދާ ކަމަށް މާލެ ސިޓީ ކައުންސިލުން ބުނެފިއެވެ.

އެކްސްގައި ކުރި ޕޯސްޓެއްގައި މާލެ ސިޓީ ކައުންސިލުން ބުނީ މަގުމަތީގައި ގަވައިދާ ހިލާފަށް ޕެލެޓާއި ދަގަނޑު ރޭމްޕް ބަހައްޓާފައި ހުރުމުގެ ސަބަބުން މަގުގައި ހިނގާ ފަރާތްތަކަށް އުނދަގޫވެ، ރައްޔިތުން ފަރާތުން ގިނަ ޝަކުވާތަކެއް ލިބެމުންދާތީ، މަގުމަތީގައި ބަހައްޓާފައި ހުރި މިފަދަ ތަކެތި ނެގުމުގެ މަސައްކަތް ކުރިއަށްދާ ކަމަށެވެ.

Ad by Hajj Corporation

މި ކަމަކީ މާލެއަށް މިހާރު ވަރަށް ބޮޑަށް ދިމާވެފައިވާ މައްސަލަ އެކެވެ. އެގޮތުން އެކި ސަރަހައްދު ތަކުގައި ގަވައިދާ ހިލާފަށް މިފަދަ ތަަކެތި ބަހައްޓާފައި ހުންނަކަން ފާހަގަކޮށްލެވެއެވެ.

ހަމަމިއާއެކު ގަވައިދާ ހިލާފަށް މަގުތައް މަތީގައި ކުނި ބަހައްޓާފައި ހުންނަކަންވެސް ފާހަގަކުރެވިފައިވެއެވެ. މި ކަމަށް ހައްލެއް ހޯދުމަށް ވެސް މަސައްކަތްތައް ދަނީ ކުރަމުންނެވެ.