މާލެސިޓީގެ ރައްޔިތުންނާއި ދުއްވާ ތަކެއްޗަށް ދަތިވާގޮތަށް މަގުތަކާއި ގޯޅިތަކުގައި ހުންނަ ކުންޏާއި ޕެލެޓްފަދަ ތަކެތި ނެގުމަށް މާލޭ ސިޓީ ކައުންސިލުން އަންގައިފިއެވެ.

ސިޓީ ކައުންސިލުން ކުރި އިއުލާނުގަިއ ބުނީ މާލެސިޓީގެ ރައްޔިތުންނާއި ދުއްވާ ތަކެއްޗަށް ދަތިވާގޮތަށް މަގުތަކާއި ގޯޅިތަކުގައި ހުންނަ ކުންޏާއި ޕެލެޓްފަދަ ތަކެތި މާލެސިޓީގެ މަގުތަކާއި ޢާންމު ތަންތާނގައި ގިނަވަމުންދާކަމުގެ ޝަކުވާ، ކައުންސިލަށް ލިބެމުންދާކަމަށެވެ. އެހެންކަމުން، އެފަދަ ތަކެތި މިހާރު ބަހައްޓާފައިވާ ފަރާތްތަކުން، 22 ޑިސެންބަރު 2024 ވަނަ ދުވަހުގެ 18:00 ގެ ނިޔަލަށް އެތަކެތި ނެގުމަށް ކައުންސިލުން ވަނީ އިލްތިމާސްކޮށްފައެވެ.

Ad by Hajj Corporation

އަދި މަގުމައްޗަކީ ދުއްވާ ތަކެއްޗަށާއި، އެންމެންނަށްވެސް ހިނގާބިނގާވެއުޅެން ފަސޭހަ، ރައްކައުތެރި އަދި ސާފުތާހިރު ތަނަކަށް ހެދުމަށް، ކައުންސިލުން ކުރަމުންގެންދާ މަސައްކަތުގައި ހުރިހާ ފަރާތްތަކެއްގެ އެއްބާރުލުން ބޭނުންވާކަން ކައުންސިލުން ވަނީ ފާހަގަކޮށްފައެވެ.

 ވުމާއެކު މީގެފަހުން ކުންޏާއި މިފަދަ ތަކެތި ބަހައްޓާ ފަރާތްތައް ހޯދައި އެފަދަ ފަރާތްތަކާމެދު ފިޔަވަޅު އަޅަމުންދާނެކަން އަންގައި އެއްވެސް ބާވަތެއްގެ ކުންޏެއް، މާލޭގެ މަގުމަތީގައި ބެހެއްޓުމަކީ މަނާކަމެއްކަންވެސް ކައުންސިލުންވަނީ އަންގައި އިޢުލާނުކޮސްފައެވެ.