މަޝްއަރު ޓުއަރސްގެ ޗެކެއް ބައުންސްވި މައްސަލަ ޕްރޮސެކިއުޓަރ ޖެނެރަލް (ޕީޖީ)ގެ އޮފީހަށް ފުލުހުން ހުށަހަޅައިފިއެވެ.

ފުލުހުން ބުނީ މައްސަލަ ހުށަހެޅިފައިވަނީ މިދިޔަ އަހަރުގެ އެޕްރީލް މަހުގެ 13 ވަނަ ދުވަހުކަމަށެވެ.

ފުލުހުން ބުނީ މި މައްސަލައިގެ ތަހުގީގު ނިންމުމަށް ފަހު ދައުވާ ކުރުމަށްޓަކައި ހުސްވި ޑިސެމްބަރު މަހުގެ 2 ވަނަ ދުވަހު ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައިވާ ކަމަށެވެ.

މީގެ ކުރިން 2023 ވަނަ އަހަރުވެސް އެ ގްރޫޕުން އުމްރާއަށް ގެންދިޔަ އުމްރާވެރިންގެ ޓިކެޓް ފައިސާގެ ޗެކް ބައުންސްވުމުން، ގުރޫޕުގެ ހުއްދަ މިނިސްްޓްރީން ބާތިލް ކުރަން ޖެހުނެވެ. މިފަހަރު މަޝްއަރު ގްރޫޕުގެ މައްސަލަ އިސްލާމިކް މިނިސްޓްރީން ފުލުހުންނަށް ހުށަހެޅީ އުސޫލުން ބޭރުން މީހުން އަތުން ފައިސާ ނަގައި އެ ފައިސާއަށް އިހުމާލުވި މައްސަލަ ބަލަން އެ ގްރޫޕުގެ މައްސަލަ ފުލުހަށް ހުށަހެޅުމުންނެވެ.

އުމްރާގެ އަޅުކަން އަދާކުރުމަށް އެކި ކުންފުނިތަކުގެ ހަވާލުގައި މީހުން ދާއިރު އުމްރާއަށް މީހުން ގެންދިއުމަށް މިވަގުތުވެސް 50 އަށްވުރެ ގިނަ ކުންފުންޏަކަށް އިސްލާމީ ކަންތައްތަކާ ބެހޭ ވުޒާރާއިން ވަނީ ހުއްދަ ދޫކޮށްފައެވެ. މިފަހަރު މީހުން އުމްރާއަށް ގެންދިޔައީ 33 ކުންފުނިންނެވެ. އުމްރާއަށް މީހުން ގެންދިޔުމުގައި އެކި ފަރާތްތަކުން މަކަރާއި ހީލަތްހަދާ މައްސަލަތައް މީގެކުރިން ފެންމަތިވެފައިވާތީ އެކަން ހުއްޓުވުމަށް ސަރުކާރުންވަނީ އުސޫލުވެސް ބަދަލުކޮށްފައެވެ.