މި ސީޒަނުގައި މެންޗެސްޓަރ ސިޓީއިން ހޯދާފައިވާ ދަށް ނަތީޖާތަކާއި ގުޅިގެން ޓްރާންސްފާރ މާކެޓްގައި ކުޅުންތެރިން ގެނައުމުގެ މަސައްކަތް ލިވަރޕޫލުން ފަށައިފިއެވެ. އެގޮތުން ސިޓީ އިން ވަނީ މިހާރު 3 ކުޅުންތެރިޔެއްގެ ސޮއި ހޯދުމާއި ގާތުގައިކަމަށް ރިޕޯރޓްތައް ބުނެއެވެ.

އެގޮތުން ފުރަތަމަ ކުޅުންތެރިޔެއްގެ ގޮތުގައި ފްރެންކްފަރޓް ގެ މިސްރުގެ ފޯވާޑް އޮމަރ މަރމޫޝް ގެނައިމުގެ މަސައްކަތް ހަލުވިކަމާއެކު ކުރިޔަށް ގެންދާކަމުގައި ސްކައި ނިއުސް އިން ރިޕޯޓްކޮށްފައިވެއެވެ. މަރމޫޝް ވަނީ މިސީޒަނުގައި ފްރެންކްފަރޓް އަށް ކުޅުނު 24 މެޗުން 18 ގޯލުޖަހައި 12 އެސިސްޓް ހަދައިދީފައެވެ. މިއީ ފަކަކަށް އައިސް ސިޓީއަށް ދިމާވެފައިވާ ގޯލުޖެހުމުގެ މައްސަލަތަކަށް ޙައްލު ގެނެސްދޭނެ ކުޅުންތެރިއެއްކަމަށް ސިޓީގެ މެނޭޖްމަންޓުން ޤަބޫލުކުރެއެވެ.

ދެވަނަ ކުޅުންތެރިއެއްގެ ގޮތުގައި ފްރާންސް ގެ ލާންސްއަށް ކުޅޭ އުޒްބެކިސްތާނު ޑިފެންޑަރ ކުޒެނޯވް ގެނައުމުގެ ހުރިހާ މަސައްކަތެއް ނިމިފައިވާކަމަށް ސްކައި ސްޕޯރޓްސް އިން ރިޕޯރޓްކޮށްފައިވެއެވެ. މިކުޅުންތެރިޔާގެ ސޮއި ހޯދުމަށް 50 މިލިޔަން ޔޫރޯގެ ފީއެއް ދެއްކުމަށް ސިޓީއިން އެއްބަސް ވެފައިވާކަމަށް ރިޕޯޓްތައް ބުނެއެވެ.

އަދި ބްރެޒިލްގެ ޕަލްމެއިރާސްއަށް ކުޅޭ 18 އަހަރުގެ ޑިފެންޑަރ ވިޓޯ ރެއިސް ގެނައުމުގެ މަސައްކަތް ވަރަށް ވަރަށް ބާރަށް ކުރިޔަށް ގެންދާކަމަށް ރިޕޯރޓްތައް ބުނެއެވެ. މި ކުޅުންތެރިޔާގެ ސޮއި ހޯދުމަށް ރެއާލް މެޑްރިޑުންވެސް ޝަޢުޤުވެރިވާކަމަށް ރިޕޯޓްތައް ބުނެއެވެ.

ސިޓީއިން ފަހަކަށް އައިސް ހޯދާ ދަށް ނަތީޖާތަކަށް ޙައްލުގެނައުމަށް ގުއާޑިއޯލާ އައު ކުޅުންތެރިން ބޭނުންވާކަން މީގެ ކުރިން ވަނީ ހާމަކޮށްފައެވެ. ސިޓީ މިވަގުތުގައި އޮތީ ލީގުގެ ތާވަލުގެ 6 ވަނައިގައެވެ.