logoEN
ކުޅިވަރު

ގޯލްޑަން ފުޓްސަލް މުބާރާތް: ފ އަތޮޅުގެ 'ކްލޭޝް އޮފް ދަ ޗެންޕިއަންސް' ގެ ކުރިމަތިލުން ހަމަހަމަ

މަގޫދޫ ގެ އަލިޔާން ބިލެްދޫގެ ކުޅުންތެރިޔެއް ކައިރިން ބޯޅަ ހޯދުމަށް މަސައްކަތްކުރަނީ. ފޮޓޯ: އިމޭޖެސް.އެމް.ވީ

މަގޫދޫ ގެ އަލިޔާން ބިލެްދޫގެ ކުޅުންތެރިޔެއް ކައިރިން ބޯޅަ ހޯދުމަށް މަސައްކަތްކުރަނީ. ފޮޓޯ: އިމޭޖެސް.އެމް.ވީ

އަބްދުﷲ ޣާނިމްއަބްދުﷲ ޣާނިމް

12 ޖެނުއަރީ 2025 - 04:03

ގޯލްޑަން ފުޓްސަލް މުބާރާތުގެ ގްރޫޕް ސްޓޭޖުގައި 2023 ވަނަ އަހަރުގެ ޗެންޕިއަން މަގޫދޫ އާއި 2024 ވަނަ އަހަރުގެ ޗެންޕިއަން ބިލެތްދޫ ބައްދަލުކުރި ވާދަވެރިމެޗު އެއްވަރުވެގެން ނިމިއްޖެއެވެ. މިމެޗު ނިމުނީ 3-3 އިންނެވެ.

މިމެޗުގައި އެންމެ ފުރަތަމަ ގޯލުޖަހައި ކުރި ހޯދީ ބިލެތްދޫ ޓީމުންނެވެ. ފުރަތަމަ ހާފުގެ 5 ވަނަ މިނެޓުގައި މިގޯލު ކާމިޔާބުކޮށްދިނީ މުޙައްމަދު ޒީދާން ޒުހުރީއެވެ. ނަމަވެސް މެޗުގެ 11 ވަނަ މިނެޓުގައި މަގޫދޫގެ އަލިޔާން ޖެހި ބާރު ޝޮޓެއް ކީޕަރަށް ދިފާޢު ނުކުރެވި ނިކުތް ބޯޅައަކުން އައްސަދު ވަނީ ގޯލެއް ޖަހައި ނަތީޖާ ހަމަހަމަ ކޮށްދީފައެވެ. މެޗުގެ 14 ވަނަ މިނެޓުގައި މަގޫދޫގެ އައްމާރު އަށް މުޅިން ހުސްކޮށް ލިބުނު ފުރުސަތުގައި ފޮނުވާލި ބޯޅަ ކީޕަރުވަނީ ދިފާއުކޮށްފައެވެ. ފުރަތަމަ ހާފުގެ ފަހު 3 ވަނަ މިނެޓުގައި އައްމާރު ވަނީ ގޯލެއްޖަހައި ފުރަތަމަ ފަހަރަށް މަގޫދޫއަށް ލީޑު ނަގައިދީފައެވެ.އަދި ފުރަތަމަ ހާފުގެ ފަހު ސިކުންތުގައި ބިލެތްދޫގެ ނަދީފު އަށްވަނީ ގޯލު ހޮސްކޮށްލިބުނު ފުރުސަތުގައި ބޭނުންނުންކުރެވިފައެވެ.

undefinedމެޗުތެރެއިން. ފޮޓޯ: އިމޭޖެސް.އެމް.ވީ

ދެވަނަ ހާފުފެށިގެން 3 ވަނަ މިނެޓުގައި ބިލެތްދޫގެ ރިމާން ވަނީ ކައުޓަރ އެޓޭކަކުން ގޯލުޖަހައި ނަތީޖާ ހަމަހަމަ ކޮށްދީފައެވެ. އަދި އޭގެ ދެ މިނެޓުފަހުން ބިލެތްދޫގެ ޒީދާން ދުރުން ތިރިތިރިން ފޮނުވާލި ބޯޅައަކުން ބިލެއްދޫއިން ވަނީ ދެވަނަ ފަހަރަށް އެޓީމަށް ލީޑު ނަގައިދީފައެވެ. މެޗުގެ ފަހު މިނެޓުގައި މަގޫދޫގެ އައްމާރު ވަނީ މަގޫދޫއަށް ގޯލެއް ކާމިޔާބުކޮށްދީ ދަނޑު ކައްކުވާލާފައެވެ.

ރޭގެ މޮޅާއެކު އަތޮޅުރައުންޑުގައި މިދެޓީމުވެސް ވަނީ އެއްމެޗުން މޮޅުވެ، ދެވަނަމެޗުން އެއްވަރުވެފައެވެ. އަތޮޅު ރައުންޑުގައި ރޭގައި ނިލަންދޫ ވަނީ ދަރަބޫދޫ އަތުން 5-4 އިން ބަލިވެފައެވެ. މި މުބާރާތުގައި މިހާތަނަށް ނިލަންދޫ ކުޅުނު ދެމެޗުންވެސް ވަނީ ބަލިވެފައެވެ.

ކޮމެންޓް

871x217_placeholder