ގޯލްޑަން ފުޓްސަލް ޗެލެންޖު 2025 ފަށައިފިއެވެ. އެގޮތުން އިއްޔެ ވަނީ މިމުބާރާތުގައި ޖުމްލަ 8 މެޗު ކުޅެފައެވެ.

މުބާރާތުގެ ފުރަތަމަ މެޗުގައި ބާރަށް ވަނީ ހޯރަފުށިއަތުން 4-2 އިން މޮޅުވެފައެވެ. މިމެޗުގައި ހޯރަފުށީގެ މުހައްމަދު މާއިޒް ޔޫސުފް ވަނީ 2 ގޯލު ކާމިޔާބުކޮށްފައެވެ. މިމެޗުގެ މޮޅުކުޅުންތެރިޔަކީވެސް އޭނާއެވެ. އަދި ކެލާ ވަނީ މާރަންދޫ އަތުން 2-0 އިން މޮޅުވެފައެވެ. މުރައިދޫ އަތުން ދިއްދޫ 2-0 އިން މޮޅުވެފައިވާއިރު އުތީމާއި ވަށަފަރު ބައްދަލުކުރި މެޗު ވަނީ 2-2 އިން އެއްވަރުވެފައެވެ. މިމެޗުގެ މޮޅުކުޅުންތެރިޔަކީ އުތީމުގެ އަހުމަދު އައިހަމްއެވެ.

ރޭގައި ކުޅުނު 5 ވަނަ މެޗުން މަކުނުދޫ ނޮޅިވަރަންފަރު އަތުން 3-2 އިން މޮޅުވެފައިވާއިރު، މަކުނުދޫގެ ޖޯޒީ ނަމްބަރު 7 ވަނީ މިމެޗުގައި ހެޓްރިކްހަދައި މެޗުގެ މޮޅުކުޅުންތެރިޔާކަން ހޯދާފައެވެ. ނޭކުރެންދޫ ހަނިމާދޫއަތުން ހަނިގޮތަކަށް 1-0 އިން މޮޅުވެފައިވާއިރު، މެޗުގެ ހަމައެކަނި ގޯލުޖެހީ މެޗުގެ މޮޅުކުޅުންތެރިޔާ މުހައްމަދު ވިލްފް އެވެ.

ކުމުންދޫ އާއި ނެއްލައިދޫ ބައްދަލުކުރި ފޯރިގަދަ މެޗު ނިމުނީ 4-3 އިން ކުމުންދޫ މޮޅުވެގެންނެވެ. އަދި ރޭގައި ކުޅެވުނު ފަހުމެޗުގައި އަބްދުﷲ ވިޝާމްގެ ހެޓްރިކާއެކު ނާވައިދޫ ވަނީ ވައިކަރަދޫ އަތުން 4-0 އިން މޮޅުވެފައެވެ.

މިމުބާރާތުގައި މިއަދުވެސް ޖުމްލަ 8 މެޗު ކުޅެވޭނެއެވެ.