އިންޑިއާ ކަނޑުގެ ސަރަހައްދަށް ދުނިޔޭގެ ބާރުގަދަ ގައުމަކުން އަތްގަދަކުރަމުންދާކަމަށް އިންޑިއާގެ ޑިފެންސް މިނިސްޓަރު ރާޖްނާތު ސިންހް ތުހުމަތުކޮށްފިއެވެ.

މިނިސްޓަރު ސިންހު ވިދާޅުވީ ދުނިޔޭގެ ވިޔަފާރީގެ ބޮޑު ބައެއް ދަތުރުކުރަނީ އިންޑިއާ ކަނޑުގެ ސަރަހައްދުން ކަމަށާއި ޖިއޯ ސްޓްރެޓެޖިކް ސަބަބުތަކާ ހުރެ އެ ސަރަހައްދު ވެސް ދަނީ ބައިނަލްއަގުވާމީ ބާރުތަކުގެ ވާދަވެރިކަމުގެ ބައިވެރިއަކަށް ވަމުން ކަމަށެވެ.

Ad by Hajj Corporation

މިނިސްޓަރުގެ ވާހަކަފުޅުގައި އެއްވެސް ގައުމެއްގެ ނަން ހާމަނުކުރެއްވި ނަމަވެސް، ތަޖުރިބާކާރުން ބުނަނީ ދުނިޔޭގެ އެންމެ ބޮޑު ކަނޑުގެ ސިފައިންގެ ކޮމާންޑް ކުރާ ޗައިނާއަކީ އިންޑިއާގެ ސަލާމަތާއި ރައްކާތެރިކަމަށް ކުރިމަތިވާ ބޮޑު ނުރައްކަލެއްކަމަށެވެ. މިއީ 2020 ވަނަ އަހަރު އިންޑިޔާގެ ހިމާލިޔާ ފްރޮންޓިއާގައި ހިނގި ހަމަނުޖެހުންތަކުގައި 24 ސިފައިން މަރުވުމާ ގުޅިގެން، ދެގައުމުގެ ގުޅުން ހީނަރުވެގެން ދިޔައީތީއެވެ.

ވީއިރު، އިންޑިއާ ކަނޑުގެ ޖަޒީރާ ރަށެއް ކަމަށްވާ ޑިއޭގޯ ގާސިއާގައި އިނގިރޭސިވިލާތާއި އެމެރިކާ ގުޅިގެން އަސްކަރީ މަރުކަޒެއްވެސް އޮވެއެވެ.

މިނިސްޓަރު ސިންހު ވިދާޅުވި ގޮތުގައި ވޮލިއުމަށް ބަލާއިރު އިންޑިއާގެ ވިޔަފާރީގެ 95 އިނަސައްތައަކީ، އިންޑިއާ ކަނޑުގެ ސަރަހައްދާ ގުޅިފައިވާ ވިޔަފާރިއެވެ. އެހެންކަމުން މިފަދަ ހާލަތެއްގައި އިންޑިއާގެ ކަނޑުގެ ސިފައިންގެ ވަރުގަދަ ބާރެއް އެކުލަވާލުމަށް ބޮޑު އިސްކަމެއް ދޭ ކަމަށްސިންހު ވިދާޅުވިއެވެ.

2035 ވަނަ އަހަރުގެ ނިޔަލަށް 175 އުޅަނދުގެ ވަރުގަދަ ކަނޑުގެ އަސްކަރިއްޔާއެއް އުފެއްދުމަށް އިންޑިއާއިން ނިންމާފައިވާއިރު، ތަޖުރިބާކާރުން ބުނަނީ އަހަރަކު ގާތްގަނޑަކަށް 14 ހަނގުރާމަމަތީ އުޅަނދު އުފައްދާ ޗައިނާއާ އަޅާބަލާއިރު، އިންޑިއާގެ އިމާރާތްކުރުމުގެ ދުވެލި ދަށް ކަމަށެވެ. ސަބަބަކީ، އިނިޑިއާއިން އަހަރުކު އުފަށްދަނީ އެންމެ ހަތަރު އުޅަނދުކަމަށް ވާތިއެވެ.