ރާއްޖޭގައި ފުޅާ ދާއިރާއެއްގައި ހަށިވިއްކަމުން ދިޔަ ވިއެޓްނާމް ބަޔަކު އިމިގްރޭޝަނުން އަތުލައިގެންފިއެވެ.

އެގޮތުން، ވިއެޓްނާމްގެ 4 އަންހެނުންނާއި އެޖެންޓެއްގެ ގޮތުގައި މަސައްކަތްކުރި 1 ފިރިހެނަކު ވަނީ އިމިގްރޭޝަންގެ ބެލުމުގެ ދަށަށް ގެނެސްފައެވެ.

Ad by Hajj Corporation

އިމިގްރޭޝަނުން ބުނެފައިވަނީ އެ މީހުންގެ އޭޖެންޓުގެ ގޮތުގައި މަސައްކަތް ކުރަމުންދިޔަ ފިރިހެން މީހާއާއި އޭގެތެރެއިން ތިން އަންހެނުން ރާއްޖޭގައި މަސައްކަތް ކުރަމުން ދިޔައީ ވޯކް ވިސާގައި ކަމަށެވެ.

އޭގެތެރެއިން އެއް އަންހެނަކު މިހާރު ޑީޕޯޓުކޮށްފައިވާއިރު، ބާކީ ތިބި 4 ބިދޭސީން ޑިޕޯޓުކުރުމުގެ މަސައްކަތް މިހާރު ކުރަމުންދާ ކަމުގައި އިމިގްރޭޝަނުން ބުނެއެވެ.

އިމިގްރޭޝަނުން އިތުރަށް ބުނެފައިވަނީ ރާއްޖޭގައި ފުޅާ ދާއިރާއެއްގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ ބިދޭސީން ހޯދުމަށްޓަކައި، އިމިގްރޭޝަނާއި ފުލުހުން ގުޅިގެން ޚާއްސަ އޮޕަރޭޝަންތަކެއް ކުރިއަށް ގެންގޮސްފައިވާ ކަމަށެވެ.

އިމިިގްރޭޝަނުން ކުރިއަށް ގެންދާ އޮޕަރޭޝަންތަކުގެ ތެރެއިން މި މަހު ވެސް ނުވަ ބިދޭސީން އަތުލައިގެންފައިވާއިރު، މިދިޔަ ޑިސެމްބަރު މަހުވެސް ހަށިވިއްކުމުގެ ހަތަރު މައްސަލައަކާ ގުޅިގެން ނުވަ ބިދޭސީއަކު އަތުލައިގެންފައިވެއެވެ.