ހަށި ވިއްކަމުން ދިޔަ އިންޑިޔާ އަންހެނަކު ޑީޕޯޓްކޮށްލައިފިއެވެ.

މިކަމާ ގުޅޭގޮތުން އިމިގްރޭޝަނުން ބުނެފައިވަނީ ރާއްޖޭގައި ފުޅާ ދާއިރާއެއްގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ ބިދޭސީން ހޯދުމަށްޓަކައި، އިމިގްރޭޝަނާއި ފުލުހުން ގުޅިގެން މިދިޔަ ޖެނުއަރީ 30 ވަނަ ދުވަހު އޮޕަރޭޝަނެއް ކުރިއަށް ގެންގޮސްފައިވާ ކަމަށެވެ.

Ad by Hajj Corporation

މި އޮޕަރޭޝަނުގައި ބިދޭސީ އަންހެނަކާއި އެޖެންޓެއްގެ ގޮތުގައި މަސައްކަތްކުރި ފިރިހެނަކު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ.

ރާއްޖޭގައި ފުޅާ ދާއިރާއެއްގައި ހަށިވިއްކަމުން ދިޔަ ވިއެޓްނާމް ބަޔަކު ވެސް ދާދިފަހުން ވަނީ އަތުލައިގެންފައެވެ. އެ އޮޕަރޭޝަންތަކުގައި ވިއެޓްނާމްގެ 4 އަންހެނުންނާއި އެޖެންޓެއްގެ ގޮތުގައި މަސައްކަތްކުރި ފިރިހެނަކު އެ މުއައްސަސާއިން ބަންދު ކޮށްފައިވެއެވެ.

އޭގެއިތުރުން އިމިިގްރޭޝަނުން ކުރިއަށް ގެންދާ އޮޕަރޭޝަންތަކުގެ ތެރެއިން މިދިޔަ މަހު ނުވަ ބިދޭސީން އަތުލައިގެންފައިވާއިރު، މިދިޔަ ޑިސެމްބަރު މަހުވެސް ހަށިވިއްކުމުގެ ހަތަރު މައްސަލައަކާ ގުޅިގެން ނުވަ ބިދޭސީއަކު އަތުލައިގެންފައިވެއެވެ.