ރާއްޖޭގައި ލޮނު އުފައްދާ ފެކްޓަރީ އެއް ގާއިމްކުރުމުގެ މަސައްކަތް ފަށައިފިއެވެ.

އެމް.ޑީޕް އިންވެސްޓްމަންޓް ނަމަކަށް ކިޔާ ދިވެހި ކުންފުންޏަކާއި، ޖަޕާނުގެ ކުންފުންޏަކާއި ގުޅިގެން ތަރައްގީކުރާ މި ކާރުޙާނާ ގާއިމް ކުރުމަށް ހަމަޖެހިފައިވަނީ  ހއ.ދިއްދޫގައެވެ. ދިއްދޫ ކައުންސިލުން ބުނީ މި ކާރުޚާނާ އެޅުމަށްޓަކައި 15000 އަކަފޫޓުގެ ބިމެއް 15 އަހަރު ދުވަހަށް ކުއްޔަށް ދޫކޮށްފައިވާނެ ކަަމަށެވެ. އަދި މީގެ ސަބަބުން ވަޒީފާގެ ފުރުސަތު އިތުރުވެ ކައުންސިލްގެ އާމްދަނީ އިތުރުވެގެންދާނެ ކަމަށް ވެސް ކައުންސިލުން ވަނީ ބުނެފައެވެ.

Ad by Hajj Corporation

މި ފެކްޓަރީ އަކީ ގުދުރަތީ ނިޒާމުގެ ތެރެއިން އިރުގެ އަލި އަދި ހަކަތަ ބޭނުންކޮށްގެ ލޮނު އުފައްދާ ފެކްޓަރީ އެއް ކަމަށާއި މި ފެކްޓަރީ އިން 03 ބާވަތެއްގެ ލޮނު އުފައްދާނެ ކަމަށްވެސް ފެކްޓަރީގެ ވެރިންނާއި ހަވާލާދެއްވާ ކައުންސިލުން ވަނީ ވިދާޅުވެފައެވެ. މިކާރުހާނާއިން އުފައްދާ ލޮނު ރާއްޖޭގެ އެކި ކަންކޮޅުތަކަށް ވިއްކުމަށް ނިންމާފައިވާ ކަމަށާއި އަދި ރިސޯޓް ތަކަށް ވެސް މި އުފެއްދުން ތައާރަފްކުރަން ނިންމާފައިވާ ކަމަށް ކައުންސިލުން ވަނީ ހާމަކޮށްފައެވެ.

މިއީ ރާއްޖޭގައި ފުރަތަމަ ފަހަރަށް ގާއިމްވެގެންދާ މިފަދަ ކާރުޙާނާއެވެ، މީގެ ސަބަބުން ރާއްޖޭގެ އުފެއްދުންތެރިކަމުގެ ދާއިރާއަށް އިތުރު ކުރިއެރުންތައް ލިބިގެންދާނެ ކަމަށް ފަންނީ މާހިރުން ވިދާާޅުވެއެވެ.