ޕީޖީ އައްޔަން ކުރަން ދައުރުން ބޭރުން މަޖިލީހުގެ ޖަލްސާއެއް އަންނަ ބުދަ ދުވަހު ބާއްވަން ތާވަލްކޮށްފިއެވެ. މިކަން ޕީއެންސީގެ ޕާލިމެންޓަރީ ގްރޫޕުން ވަނީ ކަށަވަރުކޮށްދީފިއެވެ.

ޕްރޮސެކިއުޓާ ޖެނެރަލްގެ މަގާމަށް ކުރިމަތިލުމަށް ސަރުކާރުން ހުޅުވާލި ފުރުސަތު އަންނަ މަހުގެ 11 ވަނަ ދުވަހުގެ ނިޔަލަށް ހަމަވާނެއެވެ. މި މަޤާމަށް ކުރިމަތިލުމަށް އެދޭ ފޯމާއި، އިޤްރާރާއި، ކުށާއި ދަރަނީގެ ރެކޯޑް ފޯމާއި، ސިޔާސީ ޕާޓީއެއްގައި ރަޖިސްޓަރީ ވެފައިވޭތޯ ބެލުމަށް އިލެކްޝަންސް ކޮމިޝަނުން ސާފުކުރަންޖެހޭ ފޯމުތައް މި މަހުގެ 10 އިން 11 އަށް، ކޮންމެ ދުވަހެއްގެ ހެނދުނު 08:30 އިން 12:00 ރައީސް އޮފީހުން ބަލައިގަންނާނެ ކަމަށް އެ އިދާރާއިން ވަނީ އަންގާފައެވެ.

މީގެ ކުރިން ޕްރޮސެކިއުޓާ ޖެނެރަލްގެ މަގާމުގައި ހުންނެވީ އަލްއުސްތާޛް ޙުސައިން ޝަމީމްއެވެ. ނަމަވެސް ޝަމީމް ގެ މައްޗަށް ކުރެވުނު ތުހުމަތުތަކާއި ގުޅިގެން މި މަހުގެ 22 ވަނަ ދުވަހު އެ މަޤާމުން ޝަމީމު ވަކިކުރުމަށް މަޖިލީހުންވަނީ ފާސްކޮށްފައެވެ.

ދައުރުން ބޭރުން މިދަދަ ޖަލްސާއެއް ބޭއްވޭނީ މަޖިލީހުގެ ގަވާއިދު ލާޒިމްކުރާ އުސޫލެއްގެ މަތިން އެ ކަނޑައެޅިފައި އޮންނަ އަދަދަކަށް ސޮއި ހަމަވެގެންނެވެ، އެގޮތުން މި ޖަލްސާއަށް 31 މެމްބަރުންގެ ސޮއި ހަމަވެފައިވާކަމަށް ޕީއެންސީ ޕާލަމަންޓްރީ ގްރޫޕުން ވަނީ ހާމަކޮށްފައެވެ.

މި މަގާމަށް މީހަކު އައްޔަން ކުރުމަށް 02 ޖަލްސާ ބޭއްވުމަށް ހަމަޖައްސާފައިވަނީ ނިމިދިޔަ މަޖިލީހުގެ ފަހު ޖަލްސާގައެވެ،