މާލޭގެ މިރޭ މީހަކަށް، މަރުތޭލަކުން ހަމަލާދީ ޒަޚަމްކޮށްލައިފިއެވެ.

ފުލުހުން މީޑިއާތަކާ ހިއްސާކުރި މެސެޖެއްގައި ބުނީ އެ މައްސަލައިގެ ރިޕޯޓް ލިބުނީ 08:41 ހާއިރުކަމަށެވެ.

މި މާރާމާރީ ހިނގާފައި ވަނީ އައިޖީއެމްއެޗް ކައިރީގައެވެ. އެ މީހާއަށް މަރުތޭލަކުން ހަމަލަދީފައި ވަނީ ސައިކަލެއްގައި ދިޔަ ދެ މީހަކު ވެގެންނެވެ.

އެ ހަމަލާގައި އަނިޔާވީ ދިވެހި ފިރިހެނަކަށް ކަމަށާއި އޭނާއަށް އައިޖީއެމްއެޗުގައި ފަރުވާ ދެމުން އަންނަ ކަމަށް ފުލުހުން ބުންޏެވެ.

މި މައްސަލައިގައި އެއްވެސް މީހަކު ހައްޔަރުކުރިކަން އަދި އެނގިފައެއް ނުވެއެވެ.

ފުލުހުން ވަނީ މި މައްސަލަ ތަހުގީގުކުރަމުން އަންނަ ކަމަށް ބުނެފައެވެ.