ޕްރައިވެޓައިޒޭޝަން އަދި ކޯޕަރަޓައިޒޭޝަން ބޯޑު (ޕީސީބީ)ގެ ރައީސްގެ މަގާމުން ހަމްދީ އަގީލް ވަކިކުރައްވައިފިއެވެ.

ޕީސީބީގެ ރައީސްގެ މަގާމުން ހަމްދީ ވަކިކުރެއްވި ސަބަބެއް ސަރުކާރުން އަދި ހާމަކޮށްފައެއް ނުވި ނަމަވެސް، އެ މަގާމުން ހަމްދީ ވަކިކުރެއްވިކަން ވަނީ ކަށަވަރުކުރެވިފައެވެ.

Ad by Hajj Corporation

ހުސްވި 2023 ވަނަ އަހަރުގެ ނޮވެމްބަރު މަހުގެ 22 ވަނަ ދުވަހު އެ މަގާމަށް އައްޔަނުކުރެއްވުނު ހަމްދީ އަކީ އެ މަގާމަށް ވަޑައިގަތުމުގެ ކުރިން އިތުުރު ގިނަ ސަރުކާރު ކުންފުނިތަކެއްގައި އިސް މަގާމުތަކެއް ފުރުއްވި ބޭފުޅެކެވެ. އެގޮތުން އެސްޓީއޯގެ ސަބްސިޑަރީ ކުންފުނި، ފިޔުލް ސަޕްލައިސް މޯލްޑިވްސް (އެފްއެސްއެމް) އަދި ރޯޑް ޑެވެލޮޕްމަންޓް ކޯޕަރޭޝަން (އާރްޑީސީ)ގެ މެނޭޖިން ޑިރެކްޓަރުކަން ހަމްދީ ވަނީ މީގެ ކުރިން ފުރުއްވާފައެވެ.

ހަމްދީ އެ މަގާމުން ވަކިކުރައްވައިފައިވާއިރު، ޕީސީބީގެ ރައީސްގެ މަގާމަކީ، އެ މަގާމަށް ބޭފުޅުން އައްޔަނުކުރައްވައި ވަކިކުރެއްވުމުގެ ބާރު ރައީސުލްޖުމްހޫރިއްޔާގެ އަތްޕުޅުގައި އޮންނަ މަގާމެކެވެ. އެގޮތުން ހަމްދީ ވަކިކުރެއްވިއިރު، ސަަރުކާރުގެ ކުންފުނިތަކުގެ ޚަރަދުތައް ކުޑަކުރުމާ ގުޅޭ މުހިންމު ނިންމުންތަކެއް އިއްޔެ ޕީސީބީން ވަނީ ޢާންމުކޮށްފައެވެ.

އެހެން ނަމަވެސް އެ ނިންމުންތައް މިހާރު ޕީސީބީގެ ސޯޝަލް މީޑިޔާގެ މަންސަތަކުން ވަނީ ޑިލީޓުކޮށްފައެވެ.