މޫސުމާބެހޭ ގައުމީ އިދާރާއެއް ނ. މާފަރުގައި އެޅުމަށް އެއްބަސްވުމެއްގައި ސޮއިކޮށްފިއެވެ. މި އެއްބަސްވުމުގެ ދަށުން ރާއްޖޭގެ މޫސުމާބެހޭ އޮބްޒަވޭޝަން ވިއުގަ އަޕްގްރޭޑްކުރުމަށް 1.5 މިލިއަން ޑޮލަރުގެ އެހީވަނީ ރާއްޖެއަށް ލިބިފައެވެ.

މި އެއްބަސްވުމަކީ މާފަރުގައި މެޓް އޮފީހެއް އެޅުމަށް އދ. ގެ އެންވަޔަރަމެންޓް ޕްރޮގްރާމް މެދުވެރިވެގެން ސިސްޓަމެޓިކް އޮބްޒަވޭޝަން ފައިނޭންސިން ފެސިލިޓީ (އެސްއޯއެފްއެފް) އާއެކު ވެފައިވާ އެއްބަސްވުމެއް ކަމަށެވެ. މި އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ މޫސުމީ ބަދަލުތަކާއި ތިމާވެށްޓާއި ހަކަތައާބެހޭ ވަޒީރު ތާރިޤް އިބްރާހީމެވެ.

Ad by Hajj Corporation

މިއެއްބަސްވުމުގެ މައިގަނޑު މަގުސަދަކީ ރާއްޖޭގެ މޫސުމާބެހޭ އޮބްޒަވޭޝަން ވިއުގަ ގްލޯބަލް ބޭސިކް އޮބްޒަވޭޝަން ނެޓްވޯކުގެ މިންގަނޑަށް ފެތޭ ނެޓްވޯކަކަށް ހެދުން ކަމަށް މިނިސްޓްރީން ބުނެއެވެ.

މި އެއްބަސްވުމުގެ ދަށުން ހުޅުލެ، ހަނިމާދޫ، ކައްދޫ އަދި ގަން އެއާޕޯޓްގައި ހުންނަ މެޓް އޮފީސްތަކުގެ ވަސީލަތްތައް އިތުރަށް ތަރައްގީ ކުރެވިގެންދާނެ ކަމަށް މިނިސްޓަރު ވިދާޅުވިއެވެ.