logoEN
ޚަބަރު

ފްލެޓް ލިސްޓަށް ޝަކުވާ ހުށަހެޅުމުގެ ފުރުޞަތު ހުޅުވާލައިފި

މުހައްމަދު މޫސާމުހައްމަދު މޫސާ

01 މާރިޗު 2025 - 09:59

ފްލެޓް ލިސްޓަށް ޝަކުވާ ހުށަހެޅުމުގެ ފުރުޞަތު ގެދޮރުވެރިޔާ ޕޯޓަލް މެދުވެރިކޮށް ގެދޮރުވެރިކަމާއި ބިނާރާ ބެހޭ ވުޒާރާއިން މިއަދު ހުޅުވާލައިފިއެވެ.

މިދިޔަ ބުރާސްފަތި ދުވަހު، ފްލެޓް ލިބޭ ކަމަށް ކަނޑައަޅާފައިވާ މީހުންގެ ތެރެއިން ޝަރުތު ހަމަވާ އަދި ޝަރުތު ހަމަނުވާ މީހުންގެ ލިސްޓް އާންމުކޮށްފައިވާއިރު، މިއަދުން ފެށިގެން މި މަހުގެ ނިޔަލަށް ޝަކުވާ ހުށަހެޅުމުގެ ފުރުޞަތު ދީފައިވެއެވެ.

ވުޒާރާއިން މަޢުލޫމާތު ދެއްވިގޮތުގައި، ލިސްޓުގައިވާ ފަރާތަކާ ގުޅޭ ޝަކުވާއެއް ނަމަ [email protected] އީމެއިލްއަށް ނުވަތަ ވުޒާރާއަށް ސިޓީއަކުން ހުށަހެޅިދާނެއެވެ. އިތުރު މަޢުލޫމާތު ހޯދުމަށް ވުޒާރާގެ 4004911 އަދި 4004910 ނަންބަރަށް ގުޅުމަށް އަންގާފައިވެއެވެ.

އާ ލިސްޓުގައި ޖުމްލަ 1,820 މީހުންނަށް ފްލެޓް ލިބޭ ކަމަށް ކަނޑައަޅާފައިވާއިރު، އޭގެ ތެރެއިން 1,423 މީހުންނަށް ތިން ކޮޓަރީގެ ފްލެޓް އަދި 397 މީހުންނަށް ދެ ކޮޓަރީގެ ފްލެޓް ލިބޭނެއެވެ. އަދި 2,695 މީހެއްގެ ފޯމު ޝަރުތު ހަމަނުވާ ކަމަށް ކަނޑައަޅާފައިވާއިރު، 424 ފަރާތެއްގެ ޕޮއިންޓަށް އައި ބަދަލާ ގުޅިގެން ފްލެޓް ލިބޭ މީހުންގެ ލިސްޓުން އުނިވެފައިވެއެވެ.

ކޮމެންޓް

871x217_placeholder