ރާއްޖޭގެ އޭވިއޭޝަން ދާއިރާ ހަރުދަނާކުރުމާއި ގުޅޭގޮތުން އައިއޭޓީއޭ އާއި މަޝްވަރާކޮށްފި

ދަތުރުފަތުރާއި މަދަނީ އުދުހުންތަކާ ބެހޭ ވުޒާރާއިން އައިއޭޓީއޭ އާއިއެކު ބޭއްވި މަޝްވަރާ ބައްދަލުވުމުގެ ތެރެއިން--ފޮޓޯ: ވުޒާރާ

10 މާރިޗު 2025 - 08:20
ރާއްޖޭގެ އޭވިއޭޝަން ދާއިރާ ހަރުދަނާކުރުމާއި ގުޅޭގޮތުން ދަތުރުފަތުރާއި މަދަނީ އުދުހުންތަކާ ބެހޭ ވުޒާރާއިން އިންޓަރނޭޝަނަލް އެއަރ ޓްރާންސްޕޯޓް އެސޯސިއޭޝަން (އައިއޭޓީއޭ)އާއި މަޝްވަރާކޮށްފިއެވެ.
ދަތުރުފަތުރާއި ބެހޭ ވުޒާރާގައި މިއަދު ބޭއްވުނު ބައްދަލުވުމުގައި އެ ވުޒާރާއިން ބައިވެރިވެވަޑައިގަތީ ޑެޕިއުޓީ މިނިސްޓަރ މުޙައްމަދު އަފްލާހް އަދި ޕޮލިޓިކަލް ޑިރެކްޓަރ ހަސަން ޒުހުރީ އެވެ. އައިއޭޓީއޭގެ ފަރާތުން ބައިވެރިވެވަޑައިގަތީ ސައުތު އޭޝިއާ ރީޖަންއަށް ކަނޑައަޅާފައިވާ އޭރިއާ މެނޭޖަރ އަދި އެ ފަރާތުގެ އިސް އޮފިޝަލުންނެވެ.
މި ބައްދަލުވުމުގައި ދިވެހިރާއްޖޭގެ އޭވިއޭޝަން ޤާނޫނުތަކާއި ޤަވާއިދުތައް ހަރުދަނާކޮށް ތަންފީޒުކުރުމަށްޓަކައި ދެފަރާތުގެ މެދުގައި އޮންނަ ގުޅުން ބަދަހިކޮށް، އިސްތިރާޖީ ބައިވެރިވުން އިތުރުކުރުމާ ގުޅޭގޮތުން ފުޅާ ދާއިރާއެއްގައި މަޝްވަރާކުރެވުނެވެ. މިއާއެކު ދިވެހިރާއްޖޭގެ އޭވިއޭޝަން ދާއިރާ ތަރައްޤީކުރުމަށް ކުރެވިދާނެ ކަންތައްތަކާއި، ބައިނަލްއަޤްވާމީ މިންގަނޑުތަކާއި އެއްގޮތަށް ދިވެހިރާއްޖޭގެ އޭވިއޭޝަން ޤަވާއިދުތައް ބައްޓަންކުރުމަށް ކުރެވިދާނެ ކަންތައްތައްތަކާމެދު ވެސް މަޝްވަރާކުރެއްވިއެވެ.
ދިވެހިރާއްޖޭގެ އޭވިއޭޝަން ޤަވާޢިދުތައް މުރާޖަޢާކޮށް، ބައިނަލްއަޤްވާމީ މިންގަނޑުތަކާއި އެއްގޮތަށް އެ ޤަވާޢިދުތައް އަދާހަމަކުރުމަށްވެސް މި ބައްދަލުވުމުގައި މަޝްވަރާކުރެވުނެވެ.
އިތުރު ލިޔުންތައް

އާދިއްތަ ދުވަހުން ފެށިގެން ސެކިއުރިޓީ ފީޗަރތަކާއެކު ޑޮމެއިންގެ ޚިދުމަތް އަލުން ފަށަނީ
5 މަސް ކުރިން
ފ. އަތޮޅުގެ ދެ ރަށެއްގައި ލައިސަންސް ޓްރެކް ހުޅުވަނީ
މަހެއް ކުރިން
އައު ޓާމިނަލް ހުޅުވުމާއެކު އެއާޕޯޓުގެ ޓްރެފިކް ފްލޯއަށް އަންނާނެ ބަދަލުތަކާ ގުޅޭގޮތުން މަޝްވަރާކޮށްފި
މަހެއް ކުރިން